राज ठाकरे म्हणाले की, आरक्षणासंदर्भात मनसेची भूमिका कायमच आर्थिक निकषावर आरक्षण देण्याची राहिली आहे, तसेच आजही पक्ष या भूमिकेवर ठाम असल्याचं राज ठाकरे यांनी स्पष्ट केलंय. लवकरच आरक्षणासंदर्भात तसेच महाराष्ट्रातील बिघडत्या जातीय सलोख्या संदर्भात राज ठाकरे सविस्तर आपली भूमिका स्पष्ट करणार असल्याची माहिती मिळत आहे. त्याचबरोबर मनसेच्या कार्यकर्त्यांनी व पदाधिकाऱ्यांनी आरक्षणाच्या वादात न पडता लोकसभा निवडणुकांच्या तयारीला लागण्याचे आदेश दिले आहेत.
