Bhiwandi boiler explosion : भिवंडीत एका कारखान्यात भीषण स्फोट झाला आहे. एका बॉयलरमध्ये हा भीषण स्फोट झाला आहे. स्फोटानंतर बॉयलरमध्ये मोठी आग लागली. ही आग एवढी भीषण आहे की आगीचे लोट दूरवरुन दिसून येत होते. या घटनेची माहिती मिळताच पोलिस आणि अग्निशामक दलाचे पथक घटनास्थळी पोहचले असून बचावकार्य सुरू आहे. दरम्यान, हा स्फोट कसा झाला याची माहिती अद्याप समजू शकली नाही. तसेच आगीत कुणी जखमी अथवा मृत्यूमुखी पडल्याची देखील माहिती मिळू शकली नाही.
