शरद पवारांचे स्वीय सहाय्यक म्हणून राजकीय प्रवास सुरू केलेले वळसे-पाटील जुन्नर तालुक्यातील आंबेगाव मतदारसंघातून सात वेळा आमदार झाले आहेत. विधानसभा अध्यक्ष व गृह खात्यासह सहा वेगवेगळ्या खात्याची मंत्रिपदं त्यांनी भूषवली आहेत. शरद पवार यांच्या जवळीकीमुळंच त्यांना हे लाभ मिळाले आहेत. रोहित पवार यांनी हीच यादी शेअर केली आहे. अजून काय पाहिजे होतं? हे सगळं वाचल्यानंतर, असा अन्याय आमच्यावरही झाला पाहिजे, असं लोक म्हणतील, असा खोचक टोलाही रोहित पवार यांनी हाणला आहे.
