‘थ्री इडियट्स’ हा चित्रपट २००९ साली प्रदर्शित झाला होता. यात अभिनेता आमिर खान प्रमुख भूमिकेत होता. त्याशिवाय, आर माधवन, शर्मन जोशी, करीना कपूर, बोमन इराणी, ओमी वैद्य आणि मोना सिंह यांनी यात भूमिका साकारल्या होत्या. हा चित्रपट सुपरडुपर हिट ठरला होता. आमिर खान याच्या ‘तारें जमीन पर’ या चित्रपटाप्रमाणेच ‘थ्री इडियट्स’नंही शिक्षणाकडं बघण्याचा एक वेगळा दृष्टिकोन लोकांना दिला होता. या चित्रपटाचं समीक्षकांनीही प्रचंड कौतुक केलं होतं.
