वसंतराव देशमुख यांना अकलूजमध्ये राष्ट्रवादी (शरद पवार) गटाचा ठाम पाठिंबा; नगरपरिषदेच्या पदाधिकाऱ्यांनी बजावला मतदानाचा हक्क
अकलूज | प्रतिनिधी. :- सोलापूर विधानपरिषद द्विवार्षिक निवडणूक – २०२६ च्या पार्श्वभूमीवर अकलूज येथील उपविभागीय अधिकारी कार्यालयात मतदान प्रक्रिया उत्साहपूर्ण वातावरणात पार पडली. यावेळी राष्ट्रवादी काँग्रेस (शरदचंद्र पवार) पक्षाचे अधिकृत उमेदवार वसंतराव दौलतराव देशमुख यांना पाठिंबा दर्शवत पक्षाच्या लोकप्रतिनिधींनी आपला मतदानाचा हक्क बजावला.
मतदानासाठी अकलूज नगरपरिषदेचे उपनगराध्यक्ष शिवतेजसिंह मोहिते-पाटील, नगरसेवक सयाजीराजे मोहिते-पाटील, क्रांतिसिंह माने-पाटील, नगराध्यक्षा रेश्माताई अडगळे यांच्यासह नगरपरिषदेतील सर्व नगरसेवक उपस्थित होते. सर्वांनी एकत्रितपणे मतदान करून पक्षाच्या अधिकृत उमेदवारांच्या विजयासाठी निर्धार व्यक्त केला.
यावेळी पक्षाचे पदाधिकारी, कार्यकर्ते आणि समर्थक मोठ्या संख्येने उपस्थित होते. मतदान केंद्र परिसरात शिस्तबद्ध आणि उत्साहपूर्ण वातावरण पाहायला मिळाले. स्थानिक स्वराज्य संस्थांच्या मतदारांमध्ये निवडणुकीबाबत उत्सुकता असून राष्ट्रवादी काँग्रेस (शरदचंद्र पवार) पक्षाच्या कार्यकर्त्यांमध्ये विजयाचा विश्वास व्यक्त केला जात आहे.
पक्षाच्या पदाधिकाऱ्यांनी वसंतराव देशमुख यांच्या उमेदवारीमुळे स्थानिक स्वराज्य संस्थांचे प्रश्न प्रभावीपणे विधानपरिषदेत मांडले जातील, असा विश्वास व्यक्त केला. मतदानानंतर उपस्थित कार्यकर्त्यांनी उमेदवाराच्या विजयासाठी शुभेच्छा देत आगामी निकालाबाबत आशावाद व्यक्त केला.
