परतवडी जि.प. शाळेत विद्यार्थ्यांची रंगपंचमी उत्साहात साजरी
परतवडी (ता माण ) :- परतवडी येथील जिल्हा परिषद शाळेत होळी निमित्त रंगपंचमीचा सण विद्यार्थ्यांनी मोठ्या उत्साहात साजरा केला. डोंगराच्या पायथ्याशी व निसर्गरम्य वातावरणात वसलेल्या या शाळेत विद्यार्थ्यांनी एकमेकांना रंग लावत आनंद व्यक्त केला. संपूर्ण शाळा परिसर रंगांच्या उधळणीने आणि विद्यार्थ्यांच्या आनंदी हास्याने उजळून निघाला होता.
रंगपंचमीच्या या कार्यक्रमात विद्यार्थ्यांनी उत्स्फूर्तपणे सहभाग घेतला. सणाच्या माध्यमातून मैत्री, एकोपा आणि आनंदाचा संदेश देण्यात आला. विद्यार्थ्यांच्या चेहऱ्यावर दिसणारा उत्साह आणि आनंद संपूर्ण परिसरात सणाचे वातावरण निर्माण करत होता.
या उपक्रमासाठी शाळेच्या मुख्याध्यापिका श्रीमती स्वाती साळवे मॅडम यांच्या मार्गदर्शनाखाली श्रीमती रुपाली पवार मॅडम व विषय शिक्षक सुर्यकांत सुस्तरफोड सर त्यांच्या देखरेखीखाली विद्यार्थ्यांनी सुरक्षित व आनंदी वातावरणात रंगपंचमी साजरी केली.
अशा सांस्कृतिक उपक्रमांमुळे विद्यार्थ्यांमध्ये सणांचे महत्त्व, सहकार्याची भावना तसेच आनंद वाटण्याची सवय विकसित होत असल्याचे शिक्षकांनी सांगितले.
