सातारा प्रतिनिधी – आगामी फलटण नगर परिषद निवडणुकीसाठी वंचित बहुजन आघाडीने पूर्ण ताकदीने झोकून देण्याचा निर्धार व्यक्त केला आहे. सातारा येथे आज झालेल्या इंटरव्यू मीटिंगमध्ये पक्षातील प्रमुख नेत्यांची उपस्थिती लाभली.
वार्ड क्रमांक ३ मधून मा. श्री. गणेश गायकवाड, वार्ड क्रमांक २ मधून उमेश ज्ञानेश्वर कांबळे, तसेच सौ. सपनाताई मिलिंद भोसले (अहिवळे) या उमेदवारांनी पक्षाच्या तिकिटावरून जोरदारपणे निवडणूक लढवण्याची तयारी दर्शवली आहे.
या बैठकीस राष्ट्रीय उपाध्यक्ष तथा सातारा जिल्हा समन्वयक डॉ. क्रांतीताई सावंत, जिल्हाध्यक्ष रामदासजी कांबळे, उपाध्यक्ष सुभाषराव गायकवाड, संघटक Adv. तेजस मोरे, फलटण तालुका अध्यक्ष संदीपभाऊ काकडे, फलटण शहराध्यक्ष उमेश कांबळे तसेच जिल्हा महिला उपाध्यक्षा चित्राताई गायकवाड उपस्थित होते.
बैठक उत्साहपूर्ण वातावरणात पार पडली. पक्षाने फलटण नगर परिषद निवडणुकीत “वंचितांचा आवाज, परिवर्तनाचा संकल्प” या ब्रीदवाक्याने जनतेत जाण्याचा निर्णय घेतला आहे.
जय भीम! जय शिवराय ! जय जोती! जय क्रांती! जय लहुजी वस्ताद! जय अण्णाभाऊ साठे! जय वंचित! जय संविधान!
