Delhi-Mumbai Expressway Video: मंदसौर जिल्ह्यातून जाणाऱ्या दिल्ली-मुंबई एक्सप्रेसवेवर एका कथित भाजप नेत्याचा उघडपणे सेक्स करतानाचा व्हिडिओ गेल्या अनेक दिवसांपासून सोशल मीडियात चर्चेत आहे. विकृती वाटले असा प्रकार या व्हिडीओत दिसणाऱ्या व्यक्तींनी केलाय. महामार्गावर असलेल्या सीसीटीव्ही फुटेजमुळे रात्रीच्या काळोखातील हे कृत्य समोर आलंय. या प्रकरणात दररोज नवनवे खुलासे होत आहेत. व्हिडीओत दिसणारा व्यक्ती हा राजकीय नेता मनोहरलाल धाकड असल्याचे सांगण्यात आलं. दरम्यान मनोहरलालसोबत दिसणारी ती महिला कोण होती? तिचे आणि मनोहरलालचे काय संबंध होते? असं कृत्य करण्यासाठी तिच्यावर कोणाचा दबाव होता का? असे अनेक प्रश्न उपस्थित होतायत. दरम्यान महिलेबद्दल काँग्रेस नेत्याने मोठा दावा केलाय.
ब्लॅकमेलिंगचा प्रकार समोर
मनोहर लाल धाकड आणि संबंधित महिलेचा दिल्ली-मुंबई हायवेवर अश्लिल कृत्य करतानाचा व्हिडीओ 22 मे रोजी व्हायरल झाला. यानंतर हे संपूर्ण प्रकरण चर्चेत आले. मात्र व्हायरल झालेला व्हिडिओ 13 मे चा आहे. ब्लॅकमेलिंगमुळे हा व्हिडीओ इतक्या दिवसांनी समोर आल्याची माहिती पोलीस तपासात समोर आलीय. यानंतर एनएचएआयने 3 कर्मचाऱ्यांनाही निलंबित केलंय. गरज पडल्यास त्यांच्यावरही गुन्हा दाखल केला जाऊ शकतो, असे पोलिसांचे म्हणणे आहे. माजी भाजप नेता मनोहर लाल धाकडच्या अटकेनंतर महिलेचा शोध घेतला जातोय. दुसरीकडे मनोहरलाल धाकडला सोमवारी सायंकाळी जामीन मिळाला. पण पोलिसांना अद्याप महिलेला अटक करता आलेली नाही.
ती महिला कोण?
व्हिडिओमध्ये दिसणारी महिला मंदसौर जिल्ह्यातील एका सरकारी शाळेत शिक्षिका आहे आणि तिच्या बदलीबाबत ती मनोहरलाल धाकड यांच्या संपर्कात आली होती, असा दावा एका काँग्रेस नेत्याने केलाय. संबंधित महिला सरकारी शाळेत शिक्षिका आहे. आरोपी नेत्याची पत्नी जिल्हा पंचायतीची सदस्य आहे, ही माहिती खरी असल्याचा दावा काँग्रेस नेत्याने केलाय. सरकारी शाळादेखील जिल्हा पंचायतीच्या अंतर्गत येतात. त्यामुळे नेत्याने संबंधित शिक्षिकेला तिच्या नोकरीबाबत बदलीची किंवा राजकीय प्रलोभनाची भीती दिली असावी. त्यामुळे हे प्रकरण बलात्कारापर्यंत जाऊ शकते, त्यामुळे पोलिस तपास निष्पक्ष असावा, अशी मागणीही त्यांनी केलीय.
महिलेला लवकरच अटक केली जाईल- पोलीस
मंदसौरच्या भानपुरा पोलिसांनी मनोहरलाल आणि त्याच्या महिला साथीदाराविरुद्ध गुन्हा दाखल केलाय. सार्वजनिक ठिकाणी असे कृत्य निंदनीय आहे. महिलेला अद्याप अटक करण्यात आलेली नाही. पण व्हिडिओमध्ये दिसणाऱ्या महिलेची ओळख पटलीय. ती मनोहरलालची जुनी मैत्रिण असल्याची माहिती डीआयजी मनोज सिंह यांनी दिली. पोलीस पथक महिलेचा शोध घेत असून लवकरच त्या महिलेलाही अटक केली जाईल, असेही त्यांनी पुढे सांगितले.
व्हिडिओमध्ये दिसणारा नेता मनोहरलाल धाकडला रविवारी पोलिसांनी अटक केली. त्याच्यासोबत दिसणाऱ्या महिलेचाही शोध घेतला जातोय. पोलिसांनी महिलेविरुद्ध गुन्हा दाखल केला असून तिचा शोध घेतला जातोय. महिलेची ओळख पटली असल्याचा दावा पोलिसानी केलाय. आहे.
दुसरा व्हिडीओही व्हायरल
दिल्ली- मुंबई एक्सप्रेसवर त्या रात्री मनोहर धाकडने शारीरिक संबंध ठेवले आणि सर्व हद्द पार केली. संबध बनवल्यानंतर मनोहर धाकडने महिलेसोबत एक्सप्रेसवेवर डान्सदेखील केला. दोघांचे अश्लील नृत्य तिथे असलेल्या सीसीटीव्हीमध्ये कैद झाले. तसेच या फुटेजच्या आधारे धाकडसोबत ब्लॅकमेलिंग झाल्याचा प्रकार समोर आलाय. मंदसौर पोलिसांनी धाकडसा अटक केल्यानंतर त्याची चौकशी केली. एक्सप्रेसवेवर लागलेल्या सीसीटीव्ही कॅमेरा रेकॉर्डनुसार हा व्हिडीओ 13 मे 2025 च्या रात्रीचा आहे. पहिला व्हिडीओ 8 वाजून 22 ते 8 वाजून 28 मिनिटांपर्यंतचा आहे. या वेळेत दोघेही कारमधून बाहेर येऊन संबंध बनवताना दिसताय. कोणती गाडी शेजारुन गेली की दोघे कारमध्ये जाताना दिसतात. मग रस्ता मोकळा दिसला की पुन्हा संबंध बनवताना दिसतात. दुसरा व्हिडीओदेखील त्याच रात्रीचा आहे. 8.28 मिनिटे झाली असता दोघेही बाहेर येऊन हायवेवर फिरतात. या व्हिडीओत धाकडची महिला मैत्रिण नग्न अवस्थेत दिसतेय. दोघेही काही अंतरावर जातात आणि मग हात पकडून नाचू लागतात. यानंतर पुन्हा कारमध्ये जाऊन बसतात. रहदारी असलेल्या या हायवेवर दोघांनी अश्लील नृत्य केल्याचे समोर आल्यानंतर सगळीकडून संताप व्यक्त होतोय.
