किती रुपयांना येते एक हॅमर मिसाईल? पाकिस्तानमधील दहशतवाद्यांचे अड्डे नेस्तनाबूत करण्यासाठी झाला होता वापर

Operation Sindoor : 7 मे रोजी भारतीय लष्कराच्या वतीनं सैन्यदल आणि वायुदलानं संयुक्तरित्या ऑपरेशन सिंदूर ही मोहिम हाती घेत यशस्वीरित्या पाकिस्तानातील दहशतवादी तळ उध्वस्त केले. यावेळी अतिशय नियोजित आणि केंद्रीत असे हल्ले पाकिस्तानी तळांवर करण्यात आले. या ऑपेरेशन सिंदूरमध्ये भारतीय सैन्याने पाकिस्तानातील 4 आणि जम्मू काश्मीरमधील 5 म्हणजेच एकूण 9 आतंकवादी ठेक्यांना लक्ष केलं. या माध्यमातून अनेक आतंगवाद्यांना संपवण्यात भारतीय सैन्याला यश आलं. इंडियन आर्मी, इंडियन एअर फोर्स आणि इंडियन नेवीने एकत्र मिळून ऑपरेशन सिंदूरमध्ये हॅमर मिसाईलचा वापर केला. तेव्हा हॅमर मिसाईलची किंमत किती आणि ती किती पॉवरफुल आहे याबाबत जाणून घेऊयात. 

हॅमर मिसाईलची किंमत किती?

हॅमर मिसाईल ही एक एक्यूरेट गाइडेड मिसाईल असून यामुळे अतिशय सहजपणे एयर टू ग्राउंडवर अटॅक केला जाऊ शकतो. भारताने पाकिस्तानमध्ये ऑपरेशन सिंदूरला राबवत असताना  हॅमर मिसाईलचा उपयोग केला.  हॅमर मिसाईल ही आधुनिक लढाऊ विमान असलेल्या राफेलला फिट होते. हॅमर मिसाईल भारतीय सैन्याला अजूनच ताकदवर बनवते. 

हॅमर मिसाईलच्या किंमतीबाबत बोलायचं झालं तर याची किंमत ही 85,000 यूरो पासून 1.5 लाख यूरोपर्यंत म्हणजेच 70 लाख रुपयांपासून ते 1.2 कोटी रुपयांपर्यंत आहे. हॅमर ही एक फ्रांसीसी मिसाईल असून ज्याचं संपूर्ण नाव हे Highly Agile Modular Munition Extended Range मिसाईल असं आहे. ही मिसाईल 50 ते 70 किलोमीटर अंतरावरील लक्ष्यांवर हल्ला करू शकते.

हेही वाचा : अंपायरशी वाद नेहराला पडला महागात, मुंबई इंडियन्सलाही दंड, BCCI ने सुनावली शिक्षा

हॅमर मिसाईलची वैशिष्ट्य :  

हॅमर मिसाईलमध्ये जीपीएस सुद्धा असतं. यात लेजर गायडंस सुद्धा असते, ज्यामुळे ही अचूकपणे आणि लांब अंतरावर लक्ष्य गाठण्यास सक्षम आहे. या मिसाईलवर इलेक्ट्रॉनिक जॅमिंगचाही परिणाम होत नाही. हे विशेषतः बंकर नष्ट करण्यासाठी डिझाइन केले गेले आहे. राफेल लढाऊ विमान एका वेळी ६ हॅमर मिसाईलसह उड्डाण करू शकते. म्हणजेच एकावेळी 6 वेगवेगळ्या ठिकाणांना निशाणा बनवले जाऊ शकते. वर्ष 2020 मध्ये भारताने हे मिसाईल खरेदी केलं होतं. हॅमर मिसाईलचा वापर भारतीय सैन्याने जैश-ए-मोहम्मद, हिजबुल मुजाहिद्दीन आणि लश्कर-ए-तैयबाच्या दहशतवादी ठिकाणांना नेस्तनाबूत केले.