[ad_1]
नागपूर: भारत- पाकिस्तान दरम्यान प्रथम निर्माण झालेला तणाव व त्यानंतर झालेल्या शस्त्रसंधीनंतर सोन्याच्या दरात मोठी घसरण बघायला मिळाली होती. परंतु या घडामोडीनंतर सातत्याने सोन्याच्या दरात मोठे बदल बघायला मिळत आहे. मंगळवारीही (१३ मे २०२५ रोजी) सोन्याच्या दरात बदल बघायला मिळाले. सोन्याचे दर मंगळवारी काय होते? त्याबाबत आपण जाणून घेऊ या.
जम्मू कश्मिरमधील पहेलगाम येथे झालेल्या दहशतवादी हल्यानंतर भारताने ऑपरेशन सिंदूरच्या माध्यमातून पाकिस्तान व दहशतवाद्यांना सडेतोड उत्तर दिले. त्यानंतर दोन्ही देशात शस्त्रसंधी होऊन आता शांतता प्रस्थापित होत असल्याचे चिन्ह आहे. दरम्यान नागपुरातील सराफा बाजारात १० मे २०२५ रोजी दुपारी २ वाजता सोन्याचे दर मेकिंग आणि जीएसटी शुल्क वगळून प्रति १० ग्राम २४ कॅरेटसाठी ९६ हजार ८०० रुपये, २२ कॅरेटसाठी ९० हजार रुपये, २२ कॅरेटसाठी ७५ हजार ५०० रुपये, १४ कॅरेटसाठी ६२ हजार ९०० रुपये नोंदवले गेले.
हे दर शस्त्रसंधीनंतर सोमवारी सकाळी १० वाजता २४ कॅरेटसाठी प्रति १० ग्राम ९४ हजार ७०० रुपये, २२ कॅरेटसाठी ८८ हजार १०० रुपये, २२ कॅरेटसाठी ७३ हजार ९०० रुपये, १४ कॅरेटसाठी ६१ हजार ६०० रुपये नोंदवले गेले. त्यानंतर पून्हा दरात घसरण झाली. परंतु नागपुरातील सराफा बाजारात मंगळवारी (१३ मे २०२५ रोजी) दुपारी १.३० वाजता सोन्याचे दर प्रति १० ग्राम २४ कॅरेटसाठी ९४ हजार ६०० रुपये, २२ कॅरेटसाठी ८८ हजार रुपये, २२ कॅरेटसाठी ७३ हजार ८०० रुपये, १४ कॅरेटसाठी ६१ हजार ५०० रुपये होते.
त्यामुळे नागपुरात सोन्याचे दर १० मे २०२५ रोजीच्या तुलनेत मोठ्या प्रमाणावर घसरलेले दिसत आहे. परंतु लवकरच सोन्याचे दर पून्हा वाढण्याचे संकेत नागपुरातील सराफा व्यवसायिकांकडून दिले जात आहे. त्यामुळे आता सोन्यात गुंतवणुकीची चांगली संधी असल्याचा सराफा व्यवसायिकांचा दावा आहे.
चांदीच्या दरातही मोठे बदल…
नागपुरातील सराफा बाजारात चांदीचे दर १० मे २०२५ रोजी सकाळी ९६ हजार ९०० रुपये प्रति किलो होते. हे दर सोमवारी (१२ मे २०२५) दुपारी १ वाजता ९४ हजार ५०० रुपरे प्रति किलोपर्यंत खाली आले. तर मंगळवारी (१३ मे २०२५ रोजी) दुपारी १.३० वाजता चांदीचे दर प्रति किलो ९८ हजार रुपये नोंदवले गेले. त्यामुळे चांदीच्या दरातही मोठी वाढ झालेली दिसत आहे.
[ad_2]
Source link
