[ad_1]
वेणेगाव, पुढारी वृत्तसेवा : वडिलांच्या आजारी मित्रास पाहून गावी परत येत असताना खोडद फाटा (ता. सातारा) येथे वडिलांसमोरच महामार्ग ओलांडणार्या मुलाचा बसने धडक दिल्याने मृत्यू झाला. विकास दिलीप चव्हाण (वय 19, रा. प्रभुचीवाडी, ता. जावली) असे या मुलाचे नाव आहे. या घटनेची नोंद बोरगाव पोलिस ठाण्यात झाली आहे.
याप्रकरणी एस.टी.चालक दिनकर शिवाजी पवार (वय 49 रा.वर्णे ता. सातारा) याच्यावर गुन्हा दाखल करण्यात आला आहे. वडील दिलीप श्रीरंग चव्हाण यांनी फिर्याद दिली आहे. दिलीप चव्हाण व विकास हे बाप-लेक भुईंजजवळील रामोशीवाडी येथे विकासच्या आजारी मित्राला भेटायला गेले होते. तेथून ते वडापमधून शेडगेवाडीकडे निघाले होते. निसराळे फाटा येथे या दोघांनी जेवण केले. जेवण झाल्यानंतर विकास हा हायवेच्या पलिकडे जावून येतो, असे सांगून रस्ता ओलांडण्यासाठी गेला.
याचदरम्यान सातारा बाजूकडून येणार्या बसने विकासला जोरदार धडक दिली. या अपघातात विकास हा गंभीर जखमी झाला. यानंतर वडील दिलीप आणि स्थानिकांनी विकासला नागठाणे येथील प्राथमिक आरोग्य केंद्रात उपचारासाठी दाखल केले. मात्र, उपचारादरम्यान विकासचा मृत्यू झाला. या घटनेनंतर हवालदार जितेंद्र इंगुळकर, दीपककुमार मांडवे, संजय जाधव यांनी प्राथमिक माहिती घेत कार्यवाही केली.
[ad_2]
Source link
