[ad_1]
केडंबे: पुढारी वृत्तसेवा: जावली तालुक्यातील आंबेघर तर्फ मेढा येथे पाण्यासाठी भटकंती करणाऱ्या भेकरावर भटक्या कुत्र्यांनी हल्ला करून जखमी केले. जखमी भेकरावर उपचार करून त्याला जीवदान दिले. ही घटना आज (दि.२२) सकाळी ११ वाजता आंबेघर वाडी येथे घडली.
पाण्यासाठी भटकंती करत असलेले एक भेकर पाण्याच्या शोधात आंबेघर वाडी येथे फिरत असताना या भेकरावर भटक्या कुत्र्यांनी हल्ला केला. यावेळी केळघर गावचे माजी सरपंच सुनील जांभळे, दीपक पवार यांनी त्या भेकराची कुत्र्यांच्या तावडीतून सुटका केली. त्यानंतर त्याला पाणी पाजून वन विभागाचे कर्मचारी विश्वास बेलोशे, पांडू जवळ यांनी डॉक्टराला बोलावून जखमी भेकरावर उपचार करून जंगलात सोडले.
सध्या उन्हाचा पारा 35 अंश वर गेल्यामुळे जंगलातील झरे आटल्यामुळे ससे , भेकरी इतर जंगली प्राणी हे गावात किंवा गावाजवळ असलेल्या पाणवट्याच्या पाण्याच्या शोधात फिरत असतात. अशावेळी भटक्या कुत्र्यांकडून असे हल्ले होत असतात. त्यामुळे वन विभागाने जंगलात जंगली प्राण्यांसाठी पाण्याची व्यवस्था करावी, अशी मागणी प्राणीप्रेमींकडून होत आहे.
हेही वाचा
[ad_2]
Source link
