सर्वसामान्यांना झटका..! बसचे तिकीट दर वाढल्यानंतर आता टॅक्सी आणि रिक्षाचीही भाडेवाढ होणार, किती असणार नवे दर?

एमएमआरटीएने १ फेब्रुवारीपासून मुंबई आणि लगतच्या महानगर प्रदेशातील रिक्षा आणि काळ्या-पिवळ्या टॅक्सींच्या मूळ भाड्यात ३ रुपयांची वाढ करण्यास मान्यता दिली आहे. एका अधिकाऱ्याने शुक्रवारी ही माहिती दिली. मुंबई महानगर प्रदेश परिवहन प्राधिकरणाने (एमएमआरटीए) जारी केलेल्या पत्रकात म्हटले आहे की, रिक्षांचे नवे मूळ भाडे २३ रुपयांऐवजी २६ रुपये असेल, तर पिवळ्या-काळ्या टॅक्सीचे मूळ भाडे सध्याच्या २८ रुपयांवरून ३१ रुपये करण्यात आले आहे.