Nashik Crime : वडील आणि मुलाचं नातं अतूट असतं. मुलाच्या काळजीसाठी आईवडील काहीही करायला तयार असतात. मात्र, नाशिक जिल्ह्यातील चांदवड तालुक्यात वडील आणि मुलाच्या नात्याला काळिमा फासणारी एक धक्कादायक घटना उघडकीस आली आहे. मुलगा सतत आजारी असल्याने त्याला उलटं टांगून अमानुषपणे मारहाण करण्यात आले आहे. या प्रकरणी मुलाच्या आईने पोलिस ठाण्यात तक्रार दिली असून आरोपी बापाला अटक करण्यात आली आहे. आरोपी हा अघोरी विद्या करत असल्याचा संशय असून त्यातून देखील ही घटना घडल्याचा संशय आहे. पोलिस तया दृष्टीने तपास करत आहेत.
