[ad_1]
Kedarnath Helicopter Crash : उत्तराखंडमधील रुद्रप्रयाग येथे केदारनाथला जाणाऱ्या हेलिकॉप्टरचे काही तांत्रिक बिघाडामुळे रस्त्यावरच आपत्कालीन लँडिंग करण्यात आले. अचानक करण्यात आलेल्या लँडिंगमुळे हेलिकॉप्टरचा मागील भार हा तुटून त्या ठिकाणाहून जाणाऱ्या कारवर पडला. त्यामुळे त्या कारचे मोठ्या प्रमाणात नुकसान झाले. यावेळी त्या हेलिकॉप्टरमध्ये असणारे प्रवासी आणि पायलट यांना किरकोळ दुखापत झाली. हेलिकॉप्टरमध्ये एकूण 6 जण प्रवास करत होते.
दरम्यान, या घटनेचा लँडिंग होतानाचा व्हिडीओ सध्या सोशल मीडियावर प्रचंड व्हायरल होत आहे. यामध्ये काही जण किरकोळ जखमी झाले असून इतर जण सुरक्षित असल्याची प्राथमिक माहिती समोर आली आहे. या घटनेनंतर तेथील स्थानिक प्रशासन आणि पोलिस पथकाने घटनास्थळी धाव घेतली असून हेलिकॉप्टरमधील प्रवाशांना सुरक्षित ठिकाणी नेलं आहे. हे हेलिकॉप्टर क्रिस्टल एविएशन कंपनीचे असल्याचे सांगण्यात येत आहे.
नेमकं काय घडलं?
हेलिकॉप्टरने बदासू हेलिपॅडवरून केदारनाथसाठी उड्डाण केले. त्यानंतर हेलिकॉप्टरने काही अंतर पार करताच त्यामध्ये बिघाड झाल्याचं समजलं. त्यामुळे या हेलिकॉप्टरला एका रस्त्याच्या मधोमध आपत्कालीन लँडिंग करावे लागले. यामध्ये हेलिकॉप्टरमध्ये पायलटसह सहा जण प्रवास करत होते. यावेळी रस्त्यावर आपत्कालीन लँडिंग केल्यामुळे एका कारचे मोठे नुकसान झाले आहे. तर प्रवाशांना किरकोळ दुखापत झाली आहे.
सध्या देशभरातून लाखो भाविक भगवान केदारनाथचे दर्शन घेण्यासाठी येत आहेत. 2 मे पासून केदारनाथ धामची यात्रा सुरु झाली आहे. त्यामुळे केदारनाथमध्ये 22 लाखांहून अधिक यात्रेकरूंनी भगवान केदारनाथचे दर्शन घेतलं आहे. यामध्ये गेल्या 37 दिवसांमध्ये एकूण 26 हजारांहून अधिक यात्रेकरूंनी हेलिकॉप्टरद्वारे केदारनाथ धाममध्ये जावून दर्शन घेतले.
#WATCH | Uttarakhand | A private helicopter en route to Kedarnath Dham made an emergency landing in Guptkashi of Rudraprayag district due to a technical fault. All the people on board the helicopter are safe: Uttarakhand ADG Law and Order Dr V Murugeshan
CEO of UCADA has… pic.twitter.com/Zj1SLluZ7N
— ANI (@ANI) June 7, 2025
एकाच महिन्यातील तिसरी घटना
याआधी देखील उत्तरकाशीतील गंगणी येथे भागीरथी नदीजवळ हेलिकॉप्टर कोसळले होते. ज्यामध्ये 6 जणांचा मृत्यू झाला होता. त्यानंतर उत्तराखंडमधील केदारनाथमध्ये एअर अॅम्ब्युलन्स हेलिकॉरप्टर कोसळले. यामध्ये तिघेही सुरक्षित आहेत. त्यानंतर उत्तराखंडमधील रुद्रप्रयाग येथे हेलिकॉप्टरचे आपत्कालीन लँडिंग करण्यात आले. यामधील प्रवासी किरकोळ जखमी झाले आहेत.
[ad_2]
Source link
