‘मुख्यमंत्री देवेंद्र फडणवीस हेकेखोर पद्धतीने राज्याचा कारभार हाकत आहेत’ : कॉंग्रेस प्रदेशाध्यक्ष हर्षवर्धन सपकाळ

सिंधुदुर्गातील कॉंग्रेस कार्यकर्त्यांनी ‘पुष्पा’तील ‘झुकेगा नही साला..’ भावनेने काम करावे

काँग्रेस कार्यकर्त्यांच्या मेळाव्यात बोलताना प्रांताध्यक्ष हर्षवर्धन सपकाळ म्हणाले की, या जिल्ह्याच्या पालकमंत्र्याला कोकणात सामाजिक तेढ निर्माण करायचे आहे, संस्कृती मोडून काढायची आहे. आगामी काळात हा जिल्हा काँग्रेसमय करा, काँग्रेसच्या कार्यकर्त्यामध्ये आत्मविश्वास असला पाहिजे. रस्त्यावर उतरा, आंदोलन करा, जनतेचे प्रश्न हाती घेऊन काम करा. ‘पुष्पा’ चित्रपटातील ‘झुकेगा नही साला…’ या भावनेने काम करावे, असं सपकाळ म्हणाले. आगामी स्थानिक स्वराज्य संस्थांच्या निवडणुकीत काँग्रेस पक्षाचा विजय झाला पाहिजे, प्रत्येक तालुका, वार्ड, ग्रामपंचायतीत काँग्रेसचा कार्यकर्ता दिसला पाहिजे, असे आवाहन सपकाळ यांनी केले.