शालेय विद्यार्थ्यांना २०० रुपयांचा मासिक बस पास उपलब्ध असून या बस पासच्या माध्यमातून अमर्याद बस फेऱ्यांची सुविधा कायम ठेवण्यात आलेली आहे. मासिक व डेली पासमध्ये अमर्याद प्रवास, सर्व एसी बसमधून प्रवासाची सुविधा कायम असल्याचे बेस्टने म्हटले आहे. बस पास सहा रुपये, १३ रुपये, १९ रुपये आणि २५ रुपयांपर्यंतच्या वातानुकूलित आणि विनावातानुकूलित प्रवासभाड्याच्या अनुषंगाने साप्ताहिक आणि मासिक स्वरूपात उपलब्ध करण्यात आले आहेत.
