मिथुन चक्रवर्तींच्या पहिल्या पत्नीचे निधन; लग्नाच्या चार महिन्यांतच अभिनेत्यापासून झाल्या होत्या वेगळ्या!

Helena Luke Passed Away : बॉलिवूड सिनेसृष्टीतून एक अत्यंत दु:खद बातमी समोर येत आहे. मिथुन चक्रवर्ती यांची पहिली पत्नी हेलेना ल्यूक यांनी या जगाचा कायमचा निरोप घेतला आहे. हेलेना यांचे रविवार, ३ नोव्हेंबर २०२४ रोजी निधन झाले. हेलेना यांच्या निधनाची बातमी प्रसिद्ध डान्सर आणि अभिनेत्री कल्पना अय्यर यांनी सोशल मीडियावर शेअर केली आहे. त्यांचा अमेरिकेत मृत्यू झाल्याची माहिती समोर आली आहे. प्रसिद्ध फॅशन डिझायनर रोहित बल यांच्या निधनाच्या दु:खातून इंडस्ट्री अद्याप सावरलेली नव्हती आणि आता या बातमीने सर्वांनाच दु:खी केले आहे.