पोलीस व्हायचं स्वप्न राहिलं अधुरं..! भरतीचा सराव करून गोळा डोक्यात पडून तरुणाचा मृत्यू

मुस्तकीम जावेद काझी (वय २१) असे मृत्यू झालेल्या तरुणाचे नाव आहे. मुस्तकीम आपल्या मित्रासोबत बुधवारी रात्री साडेआठ वाजण्याच्या सुमारास शहरातील तुळजाभवानी क्रीडा संकुलात पोलीस भरतीसाठी गोळाफेकीचा सराव करीत होता. दोघे मित्र सराव करताना फेकलेला गोळा मार्कींग करत होते. एका गोळाफेकीनंतर मार्किंग करणाऱ्या मित्राच्या डोक्यात लागून तो गंभीर जखमी झाला. जखमी अवस्थेत त्याला तातडीने जिल्हा रूग्णालयात दाखल करण्यात आले. मात्र, उपस्थित डॉक्टरांनी त्याला मृत घोषित केलं.