मिळालेल्या माहितीनुसार, सुलकनबाई बनोठे (वय, ७५) असे हत्या झालेल्या वृद्ध महिलेचे नाव आहे. तर, लेखराज बनोठे (वय, ५४) असे आत्महत्या केलेल्या व्यक्तीचे नाव आहे. सुलकनबाई आणि त्यांचा मुलगा लेखराज एकत्र राहत असून त्याला दारुचे व्यसन होते. दरम्यान, शुक्रवारी लेखराजने आई सुलकनबाई यांच्याकडे दारूसाठी पैसे मागितले. मात्र, सुलकनबाई यांनी नकार दिला. यामुळे संतापलेल्या लेखराज याने सुलकनबाई यांच्या डोक्यात कुऱ्हाडीने वार केला. या घटनेत गंभीर जखमी झालेल्या सुलकनबाई रुग्णालयात दाखल करण्यापूर्वीच मृत्यू झाला. यानंतर आरोपी लेखराज यानेही घराशेजारी असलेल्या विहिरीत उडी घेऊन आत्महत्या केली.
