[ad_1]
मुंबई : एका १९ वर्षीय तरुणीवर भर रस्त्यात हल्ला झाल्याची घटना कांदिवली येथे घडली आहे. कांदिवली पोलिसांनी आरोपी तरुणाविरोधात विविध कलमाअंतर्गत गुन्हा दाखल केला असून आरोपीचा शोध सुरू आहे.
पीडित तरुणी १७ वर्षांची असून कांदिवली पश्चिम येथे राहते. ती शनिवारी दुपारी आपल्या मैत्रीणीसह कांदिवलीच्या संजय नगर येथील गोसालिया रस्त्यावरून जात होती. त्यावेळी तिच्या परिचयाचा राहुल सिंग (१९) हा तरूण तिचा पाठलाग करत आला. त्याने भर रस्त्यात तिला शिविगाळ करून मारहाण केली. त्याने रस्त्यात पडलेली वीट उचलून तिच्या डोक्यात घातली. तिचा मोबाईल फोनही आरोपीने आपटून फोडला आहे. या हल्ल्यामुळे पीडित तरुणी गंभीर जखमी झाली. तिच्यावर कांदिवलीच्या शताब्दी रुग्णालयात उपचार करण्यात आले आहेत.
याप्रकरणी कांदिवली पोलीस ठाण्यात कलम ७८, ११८ (१), ११५ (२), ३५२, ३२४ (४) तसेच बालकांचे लैंगिक अत्याचारापासून संरक्षण (पोक्सो) च्या कलमाअंतर्गत गुन्हे दाखल केले आहेत. आम्ही आरोपीचा शोध घेत आहोत अशी माहिती वरिष्ठ पोलीस निरीक्षक रवी अडाणे यांनी दिली.
[ad_2]
Source link
