मराठी चित्रपटसृष्टीमध्ये ग्रामीण खलनायकाला स्वत:च्या खास खुमासदार शैलीने रंगवणारे एक श्रेष्ठ कलाकार म्हणजे अभिनेते निळू फुले. निळू फुले यांनी केवळ मराठीच नाही तर हिंदी सिनेसृष्टीत देखील आपल्या अभिनयाची छाप सोडली. ‘नरम गरम’, ‘मशाल’, ‘वो ७ दिन दिन’, ‘कुली’ यासारख्या हिंदी चित्रपटात अजरामर भूमिका केल्या. पण तुम्हाला माहिती आहे का कुली चित्रपटाच्या वेळी चक्क बॉलिवूडच्या अँग्री यंग मॅनला देखील निळूभाऊंनी ताटकळत ठेवण्याचा पराक्रम केला होता.
