संयमी व शांत स्वभाव अशी ओळख असलेले उद्धव ठाकरे आज वेगळ्याच अवतारात पाहायला मिळाले. बीकेसीमधील महाविकास आघाडीच्या सभास्थळी पोहोचल्यानंतर त्यांच्यासोबत व्हीआयपी गेटमधून सुरक्षारक्षकांना जाण्यास मुंबई पोलिसांनी मज्जाव केल्यानंतर उद्धव ठाकरे चांगलेच भडकल्याचे दिसले. आत घ्या सगळ्यांना पहिला, कोण आहे तो त्याचं नाव घ्या असं म्हणत उद्धव ठाकरे पोलिसांवर संतापल्याचे दिसले. शेवटी एका पोलिस अधिकाऱ्याच्या विनंतीनंतर उद्धव ठाकरे सभेच्या ठिकाणी निघून गेले.
