बॉलिवूड अभिनेत्री आणि राज्यसभेच्या माजी खासदार जया प्रदा यांच्या अडचणीत वाढ झाली आहे. आचारसंहितेचे उल्लंघन केल्याप्रकरणी त्यांच्याविरोधात अजामीनपात्र वॉरंट जारी करण्यात आले आहे. २०१९मध्ये जया प्रदा यांच्यावर स्वार कोतवाली, रामपूर येथे आचारसंहिता भंगाचा गुन्हा दाखल करण्यात आला होता. याप्रकणी एमपी-एमएलए न्यायालयात सुनावणी सुरु आहे. आता न्यायालयाने जया प्रदा यांच्याविरोधात अजामीनपात्र वॉरंट जारी केले आहे. या प्रकरणावर पुढील सुनावणी ही १७ नोव्हेंबर रोजी होणार आहे.
