Mouni Roy Falls Down: बॉलिवूडपासून टीव्ही इंडस्ट्रीपर्यंतचे सेलिब्रिटी नवीन वर्ष २०२५चं स्वागत करून या निमित्ताने आयोजित पार्टीचा आनंद घेत आहेत. नवीन वर्षाच्या निमित्ताने अभिनेत्री मौनी रॉय देखील पती सूरज नांबियार आणि अभिनेत्री दिशा पाटणीसोबत पार्टी एन्जॉय करण्यासाठी पोहोचली होती. मात्र, पार्टीवरून परतत असताना मौनी रॉयसोबत छोटासा अपघात झाला. सोशल मीडियावर याचा एक व्हिडिओ व्हायरल होत आहे. या व्हिडिओमध्ये मौनी तिचा पती आणि तिच्या मित्रांसोबत पार्टीतून परतताना दिसली आहे. त्यानंतर अभिनेत्री तिच्या हिल्समुळे कॅमेरासमोर जोरात पडली. या अभिनेत्रीचा हा क्षण कॅमेऱ्यात कैद झाला आहे.
