!! मुधोजी प्रज्ञाशोध परीक्षा !!
फलटण (२६ जून २०२५):मुधोजी प्राथमिक विद्यालय फलटण आणि फलटण एज्युकेशन सोसायटी यांच्या संयुक्त विद्यमाने आयोजित “मुधोजी प्रज्ञाशोध परीक्षा” मधील गुणवंत विद्यार्थ्यांचा सत्कार व पारितोषिक वितरण समारंभ आज उत्साहात पार पडला.
हा कार्यक्रम मा. श्रीमंत रघुनाथराजे नाईक निंबाळकर (बाबा), चेअरमन, फलटण एज्युकेशन सोसायटी यांच्या शुभहस्ते संपन्न झाला.
कार्यक्रमाला मा. प्राचार्य जितेंद्र भीमराव साळुंखे, गटशिक्षणाधिकारी अनिल संकपाळ साहेब, डॉ. सतिश फरांदे, सौ. वसुंधरा राजीव नाईक निंबाळकर (चेअरमन, मुधोजी प्राथमिक विद्यालय), सौ. नुतन अजितसिंह शिंदे (व्हाईस चेअरमन), आणि श्री. अरविंद सखाराम निकम, प्रशासनाधिकारी, फलटण एज्युकेशन सोसायटी आदी मान्यवर उपस्थित होते.
या परीक्षेच्या माध्यमातून विद्यार्थ्यांच्या सुप्त बुद्धिमत्तेला वाव मिळतो, त्यांचा आत्मविश्वास वाढतो आणि शिक्षणात रस निर्माण होतो, असे उद्गार उपस्थित मान्यवरांनी काढले.
गुणवंत विद्यार्थ्यांचा सन्मान करून त्यांना प्रमाणपत्रे व बक्षिसे देण्यात आली.
कार्यक्रमाचे आयोजन मा. श्री. दिलीप राजगुडा, सचिव, मुधोजी प्रज्ञाशोध परीक्षा, तसेच सर्व प्राथमिक शाळांचे मुख्याध्यापक, शिक्षक व शिक्षकेतर कर्मचाऱ्यांच्या सहकार्याने करण्यात आले.
