राज्यभरात सुरू असलेला मुसळधार पाऊस आणि पुण्यातील पूरसदृश्य परिस्थितीवर बोलताना उपमुख्यमंत्री अजित पवार म्हणाले की, आज सकाळपासून मी माझ्या कार्यालयातून महाराष्ट्रातील विविध जिल्ह्यांसह विशेषत: मुंबई, पुणे, ठाणे, कोल्हापूर आणि सांगली मध्ये सुरू असलेल्या मुसळधार पाऊस आणि पूरपरिस्थितीचा आढावा घेत आहे. सर्व जिल्ह्यांची आपत्ती व्यवस्थापन यंत्रणा आणि जिल्हा प्रशासनाच्या संबंधित अधिकाऱ्यांना बचाव व मदत कार्यात विलंब न लावता लवकरात लवकर लोकांना आवश्यक ती मदत पुरविण्याच्या सूचना देण्यात आल्या आहेत.महाराष्ट्रातील जनतेने गरज असेल तरच घराबाहेर पडावे आणि प्रवास करताना सतर्क राहावे, असे आवाहन त्यांनी केले.
