राज्यस्तरीय महाराष्ट्र रत्न पुरस्कार २०२६ साठी सूरज रतन जगताप यांची निवड
साहस Times : नवी मुंबई (घणसोली) येथील सामाजिक कार्यकर्ते सूरज रतन जगताप यांची राज्यस्तरीय महाराष्ट्र रत्न पुरस्कार २०२६ साठी निवड झाल्याची अधिकृत घोषणा करण्यात आली आहे. ही निवड तेजस सेवा प्रतिष्ठान, संगमनेर (जिल्हा अहिल्यानगर) या शासनमान्य संस्थेच्या वतीने करण्यात आली असून, त्यांच्या उत्कृष्ट धम्मकार्य, सामाजिक, शैक्षणिक व सांस्कृतिक योगदानाची दखल घेत ही प्रतिष्ठित सन्मानाची घोषणा करण्यात आली आहे.
हा पुरस्कार समारंभ दिनांक ६ जून २०२६, रोजी संगमनेर, जिल्हा अहिल्यानगर (महाराष्ट्र) येथे “संविधान अमृत महोत्सव” या विशेष कार्यक्रमात सकाळी १० वाजता आयोजित करण्यात येणार आहे. भारतीय संविधानाच्या ७५ व्या वर्षपूर्तीच्या निमित्ताने आयोजित या कार्यक्रमाला विशेष महत्त्व आहे.
याच दिवशी भारतरत्न डॉ. बाबासाहेब आंबेडकर यांच्या १३५ व्या जयंतीचे औचित्य साधून हा पुरस्कार प्रदान करण्यात येणार असल्याने या सन्मानाचे महत्त्व अधिकच वाढले आहे.
या निवडीबद्दल सूरज रतन जगताप यांनी तेजस सेवा प्रतिष्ठानचे संस्थापक अध्यक्ष मा. डॉ. रवींद्र घोसाळे व संपूर्ण निवड समितीचे मनःपूर्वक आभार मानले असून, भविष्यातही समाजसेवा व धम्मकार्य अधिक जोमाने सुरू ठेवण्याचा निर्धार व्यक्त केला आहे.
