Supriya Sule : आता हे काय नवीन? बारामतीत मतदान सुरू असताना सुप्रिया सुळे पोहोचल्या अजित पवारांच्या घरी

भेटीबद्दल सुप्रिया सुळे काय म्हणाल्या?

अजित पवारांच्या घरातून बाहेर पडल्यानंतर सुप्रिया सुळे यांनी मीडियाशी संवाद साधला. त्यावेळी साहजिकच त्यांना अचानक दिलेल्या या भेटीबद्दल प्रश्न विचारण्यात आला. त्यावर, हे माझ्या काका-काकींचं घर आहे. मी आशा काकींना नमस्कार करण्यासाठी आले होते. घरात फक्त मी आणि काकीच होते. मी फक्त काकींची भेट घेतली. माझं बालपण याच घरात गेलंय. मी या घरात दोन- दोन महिने राहिलेय. माझ्या सर्वच काकींनी माझ्यासाठी बरंच काही केलंय, असं सुप्रिया सुळे म्हणाल्या.