‘इंडियन एक्सप्रेस’च्या रिपोर्टनुसार, दिवंगत गायक सिद्धू मुसेवालाची आई पुढील महिन्यात आपल्या दुसऱ्या बाळाला जन्म देणार आहे. सिद्धू मुसेवाला हा त्याच्या आई-वडिलांचा एकुलता एक मुलगा होता. मात्र, २९ मे २०२२ रोजी बिष्णोई गँगने गायकावर हल्ला केला आणि त्याचा जीव घेतला. त्यावेळी सिद्धू मुसेवाला अवघ्या २८ वर्षांचा होता. मात्र, त्याने आपल्या कामाने लोकांची मने जिंकली होती. इतक्या तरुण वयात त्याने भरपूर प्रसिद्धीही मिळवली होती. सिद्धू मुसेवाला याच्या मृत्यूनंतर देशभरात खळबळ उडाली होती.
