Shiv Sena Clash : मुख्यमंत्री एकनाथ शिंदे यांनी शिवसेनेतून फुटून बंड करून बाहेर पडल्यापासून शिंदे गट आणि ठाकरे गट यांच्यात मोठा वाद झालेले पाहायला मिळाले आहे. दरम्यान, हे वाद संपताना दिसत नाहीत. अशीच एक घटना रायगड जिल्ह्यातील महाड येथे आज घडली. शिंदे गटाचे नेते आमदार भरत गोगावले यांच्याविरोधातील ठाकरे गटाच्या कार्यकर्त्यांनी काढलेला मोर्चा शिंदे गटाच्या कार्यकर्त्यांनी अडवला. यामुळे दोन्ही गटाचे कार्यकर्ते एकमेकांसमोर आल्याने दोन्ही गटात मोठा वाद झाला. यामुळे तणाव वाढला होता. दरम्यान, पोलिसांनी वेळीच हस्तक्षेप करत परिस्थिती नियंत्रणात आणली. या घटनेमुळे महाडमध्ये तणावपूर्ण शांतता आहे.
