Sara Ali Khan: सारा अली खान-विकी कौशलच्या आगामी चित्रपटाचं नाव ठरलं! ‘या’ दिवशी रिलीज होणार चित्रपट

विकी आणि साराच्या आगामी चित्रपटाचे शीर्षक नुकतेच समोर आले असून, त्यांच्या या चित्रपटाचे नाव ‘जरा हटके जरा बचके’ असे असणार आहे. यासोबतच चित्रपटाचे दोन पोस्टरही समोर आले आहेत. गेल्या आठवड्यात चाहत्यांना सारा अली खान आणि विकी कौशलच्या या आगामी चित्रपटाबद्दल नवी अपडेट मिळाली होती. यामध्ये सारा अली खान आणि विकी कौशलच्या या चित्रपटाचे शीर्षक १४ मे रोजी समोर येणार असल्याचे सांगण्यात आले होते. याच दरम्यान, सारा आणि विकीच्या आगामी चित्रपटाच्या नावाचा खुलासा झाला आहे.