Sachin Pilgaonkar: पैसे नाही तर ‘शोले’साठी सचिन पिळगावकरांना मिळालं होतं खास गिफ्ट

वयाच्या दहाव्या वर्षी सचिन यांनी ‘डाकघर’ चित्रपटात काम करत बॉलिवूडमध्ये पदार्पण केले आहे. त्यानंतर त्यांनी १९८२ साली प्रदर्शित झालेल्या ‘नदिया के पार’ चित्रपटात काम केले. या चित्रपटाने त्यांना खरी ओळख मिळवून दिली. त्यानंतर त्यांना अनेक चित्रपटांच्या ऑफर्स येऊ लागल्या. सचिन यांनी ‘शोले’ चित्रपटात देखील काम केले. या चित्रपटात त्यांनी अहमदची भूमिका साकारली. पण तुम्हाला माहितीये का या चित्रपटात काम करण्यासाठी सचिन यांनी पैसे नाही तर एक वस्तू देण्यात आली होती. शोले चित्रपटात काम केल्याबद्दल त्यांना मानधन म्हणून निर्मात्याने फ्रिज गिफ्ट दिला होता.