फलटण: स्वराज फाऊंडेशन आणि रक्षक रयतेचा न्यूज महिला मंच यांच्या वतीने आयोजित ‘डीजे संग रंगपंचमी जल्लोष’ कार्यक्रमाला हजारो महिलांनी उत्स्फूर्त प्रतिसाद दिला. प्रेमलाताई चव्हाण हायस्कूल, मलटण, फलटण येथे झालेल्या या रंगारंग सोहळ्यात महिलांनी रंगांची उधळण करत जल्लोष साजरा केला.
कार्यक्रमाच्या उद्घाटनाला ॲड. सौ. जिजामाला रणजितसिंह नाईक निंबाळकर, सौ. मनिषाताई समशेरसिंह नाईक निंबाळकर, कु. इंदिराराजे रणजितसिंह नाईक निंबाळकर, माजी नगरसेविका सौ. विजयाताई अशोकराव जाधव, सौ. वैशालीताई सुधीर अहिवळे, सौ. उषाताई राऊत, सौ. शर्मिला रणवरे, सौ. शितल प्रतापसिंह नाईक निंबाळकर, सौ. अर्चना अमरसिंह नाईक निंबाळकर, सौ. रेश्मा देशमुख आदी मान्यवर उपस्थित होते.
कार्यक्रमाचे प्रास्ताविक आणि सूत्रसंचालन सौ. नंदा बोराटे यांनी केले. उपस्थित महिलांसाठी गगनगिरी ज्वेलर्स, शिवप्रताप होलसेल साडी डेपो आणि स्वराज ग्रीन पॉवर फ्युएल लि. यांच्या वतीने लकी ड्रॉ च्या माध्यमातून विविध आकर्षक बक्षिसे देण्यात आली. तसेच, ज्येष्ठ उद्योजक हनुमंतराव मोहिते यांच्या तर्फे प्रत्येक महिलेला मसाले दूध वाटप करण्यात आले.
रंग, संगीत आणि महिलांच्या उत्साही सहभागाने भरलेल्या या कार्यक्रमाने फलटणमध्ये रंगपंचमी उत्सवाचा जल्लोष द्विगुणित केला.
