Pune news : बदल्या जीवन शैलीमुळे मानवाच्या आयुर्मानावर परिणाम झाला आहे. हृदय रोग, मधुमेह हे आजार सामान्य झाले आहेत. मात्र, याचा परिमाण आता लहान मुलांवर देखील होऊ लागला आहे. पुण्यात एका १० वीत शिकणाऱ्या मुलीला शाळेत हृदयविकाराचा झटका आल्याने तिचा शाळेच्या आवारात मृत्यू झाला. या घटनेमुळे मुलीच्या कुटुंबीयांना मोठा धक्का बसला आहे. ही घटना कोंढवा येथील एका शाळेत शुक्रवारी घडली.
