मिळालेल्या माहितीनुसार, पुणे शहरातील वानवडी भागातल्या पीयूष ज्लेवर्समध्ये मध्यरात्री अचानक आग लागली. दुकानातून धुराचे लोट निघत असल्याचं समजताच स्थानिक नागरिकांनी तातडीने घटनास्थळी धाव घेत आग विझवण्याचे प्रयत्न सुरू केले. तसेच महापालिकेच्या अग्निशमन दलाच्या गाड्या आणि स्थानिक पोलिसांकडूनही आग विझवण्याचे प्रयत्न सुरू करण्यात आले. तब्बल दोन तासांच्या अथक प्रयत्नानंतर आग विझवण्यात यश आलं असून त्यानंतर आता परिसराच्या कूलिंगचं काम हाती घेण्यात आलं आहे. ज्लेसर्सच्या दुकानात लागलेल्या आगीत कोणतीही जीवीतहानी झालेली नाही. मात्र, लाखो रुपयांची संतत्ती जळून खाक झाल्याचा अंदाज वर्तवण्यात येत आहे.
