लोकसभा निवडणुकीत मला उमेदवार बनवण्यासाठी तीन राजकीय पक्ष माझ्यामागे लागले आहेत. परंतु, ते माझ्या विचारसरणीमुळे नव्हे तर पंतप्रधान नरेंद्र मोदी (PM Narendra Modi) यांचा टीकाकार असल्यामुळे माझा वापर राजकारणात करू इच्छित आहे, असा दावा अभिनेता प्रकाश राज (Prakash Raj) यांनी केला.
कोझिकोड : लोकसभा निवडणुकीत मला उमेदवार बनवण्यासाठी तीन राजकीय पक्ष माझ्यामागे लागले आहेत. परंतु, ते माझ्या विचारसरणीमुळे नव्हे तर पंतप्रधान नरेंद्र मोदी (PM Narendra Modi) यांचा टीकाकार असल्यामुळे माझा वापर राजकारणात करू इच्छित आहे, असा दावा अभिनेता प्रकाश राज (Prakash Raj) यांनी केला. मात्र, मला या फंदात पडायचे नाही, असेही त्यांनी स्पष्ट केले.
केरळ येथे आयोजित लिटरेचर फेस्टिव्हलमध्ये (केएलफ) ते बोलत होते. पुरस्कार विजेत्या प्रकाश राज यांनी कांचीवरम, सिंघम आणि वॉन्टेडसारख्या चित्रपटांमध्ये काम केले आहे. चित्रपटांमधील दमदार भूमिकेसाठी ते ओळखले जातात. त्यांनी 2019 च्या सार्वत्रिक निवडणुकीत बंगळुरू सेंट्रलमधून अपक्ष उमेदवार म्हणून निवडणूक लढवली. परंतु त्यांना यश आले नाही.
