Salary Of MLA In India: भारतात लोकशाही आहे. जनतेने निवडणून दिलेले लोकप्रतिनिधी अर्थात आमदार सरकार चालवतात आणि जनतेचे प्रश्न सोडवतात. भारतात एकूण 28 राज्य आहेत. प्रत्येक राज्यात आमदारांची संख्या वेगळी आहे.  जनतेचे प्रश्न सोडवणाऱ्या आमदारांना मानधन म्हणून मासिक वेतन दिले जाते. जाणून घेऊया सर्वात जास्त पगार भारतातील कोणत्या राज्यातील आमदारांना मिळतो. 

विविध राज्यांमध्ये आमदारांना भत्ते मिळून लाखो रुपयांचा पगार मिळतो. पगारासह आमदारांना विविध सुविधा मिळतात. यात निवास, प्रवास यासारख्या अनेक सुविधा मिळतात. कर्नाटक राज्यातील आमदारांनी दुप्पट पगारवाढ करण्याची मागणी केली आहे. यामुळे देशभरातील विविध राज्यातील आमदारांच्या पगाराची चर्चा सुरु झाली आहे.  

सर्वाधिक पगार मिळणाऱ्या राज्याच्या यादीत आपले महाराष्ट्र दुसऱ्या स्थानावर आहे. आमदारांना सर्वाधिक पगार देणारे दुसरे राज्य म्हणजे महाराष्ट्र. महाराष्ट्रात आमदारांना दरमहा 2.6 लाख रुपये वेतन दिले जाते. या यादीत तेलंगणा राज्य तिसऱ्या क्रमांकावर आहे. तेलंगणातील आमदारांना दरमहा अडीच लाख रुपये वेतन दिले जाते. दिल्लीसह संपूर्ण देशात अशी 8 राज्ये आहेत जिथे आमदारांना 2 लाख रुपयांपेक्षा जास्त पगार दिला जातो. तर सर्वात कमी पगार हा त्रिपुरा, नागालँड, मणिपूरमधील आमदारांना मिळतो. यांचा पगार हा 50 हजार रुपयांपेक्षा कमी आहे. 

आमदारांना सर्वात जास्त पगार देणाऱ्या राज्यांच्या यादीत ज्या राज्याचे नाव पहिल्या स्थानी आहे ते नाव जाणून सगळेच शॉक होतात.  संपूर्ण देशात सर्वाधिक पगार झारखंडमधील आमदारांना मिळतो. झारखंडमधील आमदारांना दरमहा 2.9 लाख रुपये इतके वेतन दिले जाते. या आमदारांना पगाराव्यतिरिक्त राज्य सरकारकडून भत्ते आणि इतर सुविधा देखील दिल्या जातात.

पार्लरमध्ये जाणाऱ्या महिला गुन्हेगारांच्या निशाण्यावर आल्या आहेत. याबाबत पोलिस मुख्यालयाने महिलांच्या सुरक्षेसंदर्भात मार्गदर्शक सूचना जारी केल्या आहेत. यासाठी महिला हेल्पलाईन सतर्क करण्यात येत असतानाच पार्लर आणि हॉटेलमध्ये महिलांनी स्वत:चे संरक्षण कसे करावे, याबाबत १४ मुद्द्यांवर माहिती देण्यात आली आहे.

Gold Rate Today: भारतीय शेयर बाजारात आलेल्या तेजीनंतर सोन्याच्या किंमतीत घसरण होत असल्याचे पाहायला मिळतेय. MCX वर सोनं प्रति 10 ग्रॅमने 87,734 रुपयांवर व्यवहार करताना दिसत आहे. तर, चांदीच्या किंमतीत आज तेजी पाहायला मिळत आहे. चांदी प्रति किलो 336 रुपयांनी वाढून 98,220 रुपयांवर व्यवहार करताना दिसत आहे. 

डॉलरमध्ये होणारी घसरण आणि नफावसुलीमुळं सोनं आणि चांदीच्या दरात घसरण होताना दिसत आहे. आंतरराष्ट्रीय बाजारात सोनं 3,050 डॉलरवर स्थिरावले होते तर चांदी 1.5 टक्क्यांनी घसरून 34 डॉलरवर स्थिरावली होती. सराफा बाजारात सोनं 900 रुपयांनी घसरून 87,800 रुपये प्रति 10 ग्रॅमवर पोहोचले आहे. तर चांदी 1,500 रुपयांनी घसरून 97,900 रुपये प्रति किलोग्रॅमवर स्थिरावली आहे. कच्चा तेलांच्या किंमती 72 डॉलरच्या आसपास स्थिरावल्याचे पाहायला मिळतेय. मार्च महिन्यात सोन्याच्या किंमती जवळपास 4 टक्क्यांनी वाढल्या आहेत.

मागील आठवड्यात दिल्लीच्या सराफा बाजारात सोनं 400 रुपयांनी घसरून 91,250 रुपये प्रति 10 ग्रॅमवर स्थिरावले होते. अखिल भारतीय सराफा संघाने दिलेल्या माहितीनुसार, बुधवारी 99.9 टक्के शुद्धता असलेले सोनं 91,650 रुपये प्रति 10 ग्रॅमवर स्थिरावले. तर, एकीकडे 99.5 टक्के शुद्धता असलेले सोनं 400 रुपयांच्या घसरणीने 90,880 रुपयांवर स्थिरावले होते. त्यानंतर शुक्रवारीदेखील सोन्याच्या दरात घसरण झाली होती. सोन्याच्या दरात होत असलेल्या घसरणीमुळं ग्राहकांना दिलासा मिळतोय. 

आंतरराष्ट्रीय स्तरावर घडणाऱ्या घडामोडींमुळं सोन्याच्या दरात सातत्याने चढ-उतार होताना दिसतंय. अमेरिका आणि चीनमधील वाढत्या व्यापार तणावामुळे आणि जागतिक अनिश्चिततेमुळे, सुरक्षित गुंतवणूक म्हणून सोन्याची मागणी वाढतेय त्यामुळं सोन्याच्या दरात वाढ होतेय. पण आज मात्र किंचितशे दर घसरले आहेत. मात्र येत्या काळात सोन्याचे दर आणखी वाढू शकतात, असा अंदाज आहे.

Meerut Saurabh Shocking Postmortem Report: मेरठच्या सौरभ हत्या प्रकरणाचा पोस्टमॉर्टम रिपोर्ट समोर आला आहे. या रिपोर्टने मारेकरांनी क्रूरतेच्या सर्व मर्यादा ओलांडल्या आहेत हे दाखवून दिले आहे. सौरभची मान कापली, हात मनगटापासून कापण्यात आले आणि हृदयावर तीन वेळा वार करण्यात आल्याचे रिपोर्टमध्ये नमूद करण्यात आले आहे. मृत्यूचे कारण शॉक आणि जास्त रक्तस्त्राव असे रिपोर्टमध्ये नमूद करण्यात आले आहे.

हत्येचा क्रूरपणा उघड 

माजी मर्चंट नेव्ही ऑफिसर सौरभ राजपूतच्या  पोस्टमॉर्टम रिपोर्टमध्ये धक्कादायक गोष्टी समोर आल्या आहेत. त्यातून त्याच्या हत्येचा अत्यंत क्रूरपणा उघड झाला आहे. पोस्टमॉर्टम रिपोर्टमध्ये त्याच्या शरीराचे तुकडे केलेले सांगितले आहे. त्याचे हात मनगटावर कापले गेले होते आणि त्याचे पाय मागे वाकले होते, हे दर्शविते की त्याच्या शरीराचे तुकडे ड्रममध्ये ठेवण्याचा प्रयत्न करण्यात आला होता. हा क्रूरपणा त्याची पत्नी मुस्कान रस्तोगी आणि तिचा प्रियकर साहिल शुक्ला यांनी केल्याचा अहवाल आहे. 

हे ही वाचा: Meerut Murder: मुलीला फाशीची मागणी करणाऱ्या आईचे भिंग फुटलं, जावईच्या सहानुभूतीचे कारण झाले उघड!

खून करून गेले हिमाचलला 

सौरभ राजपूतला त्याच्या पत्नीने 4 मार्च रोजी अंमली पदार्थ पाजून त्याची हत्या केली. यानंतर तिचा प्रियकर साहिल शुक्लाच्या मदतीने  त्याच्या मृतदेहाचे तुकडे करून सिमेंटने भरलेल्या ड्रममध्ये बंद करण्यात आले. यानंतर मुस्कान आणि साहिल हिमाचल प्रदेशात सुट्टीवर गेले. कुटुंबीयांची दिशाभूल करण्यासाठी आणि   गुन्हा लपविण्यासाठी त्यांनी सौरभच्या फोनवरून कुटुंबियांना मेसेज पाठवत राहिले. 18 मार्च रोजी राजपूतच्या कुटुंबाने तो बेपत्ता झाल्याची तक्रार केल्यावर खून उघडकीस आला, त्यानंतर मुस्कान आणि साहिलला अटक करण्यात आली.

हे ही वाचा: ‘बायको आणि सासूने घर उद्ध्वस्त..’, पती आत्महत्या करत असताना पत्नी आणि सासू 44 मिनिटं Live पाहत राहिल्या

काय म्हणाले डॉक्टर? 

पोस्टमार्टम करणाऱ्या डॉक्टरांच्या म्हणण्यानुसार, सौरभ राजपूतच्या हृदयावर तीन वेळा जोरदार वार करण्यात आले होते. हे वार फारच हिंसक हल्ल्याचे संकेत देते. पोलीस अधीक्षक आयुष विक्रम सिंग यांनी सौरभच्या पोस्टमार्टमबद्दल बोलताना मेनी केले की, मुस्कानने राजपूतवर चाकूने वार केले, नंतर त्याची मान आणि हात कापले. त्यानंतर ड्रममध्ये बसवण्यासाठी मृतदेहाचे चार तुकडे करण्यात आले.