Adnan Sami Citizenship: जम्मू काश्मीरमधील पहलगाम दहशतवादी भ्याड हल्ल्यानंतर जगभरात संतापाची लाट पसरली आहे. या हल्ल्यानंतर भारताने कठोर पावलं उचलली आहेत. केंद्र सरकारने सिंधू पाणी करार रद्द केला असून अटारी बॉर्डरही बंद करण्याचा निर्णय घेतला आहे. याशिवाय भारतात पाकिस्तानी नागरिकांना प्रवेशबंदी करण्यात आली आहे. भारतात असणाऱ्या पाकिस्तानी नागरिकांना देश सोडून जाण्यास सांगण्यात आलं आहे. अशातच भारतीय नागरिकत्वाचा विषय जोर धरू लागला आहे. या हल्ल्यानंतर सोशल मीडियावरही संतापाची लाट पाहिला मिळत आहे. गायक अदनान सामी सध्या सोशल मीडियावर ट्रोल होतोय. 

22 एप्रिल रोजी काश्मीरमधील पहलगाम इथे बैसरन खोऱ्यात 27 जणांची निर्घृण हत्या करण्यात आली. यानंतर, प्रत्येक भारतीयाच्या मनात सूडाची आग पेटली आहे. भारत सरकारने दहशतवाद्यांना कठोरात कठोर शिक्षा द्यावी अशी मागणी लोक सोशल मीडियाद्वारे करत आहेत. सरकार आपले काम करत आहे पण दरम्यान अनेक लोक आपापसात भांडताना दिसत आहेत. आजकाल लोक अदनान सामीला खूप लक्ष्य करत आहेत आणि त्याच्या नागरिकत्वावरही प्रश्न उपस्थित करत आहेत. 

अदनान सामीने ट्विटवर संतापाची लाट…

सोशल मीडियावर नेटकऱ्यांनी पुन्हा एकदा अदनान सामीच्या नागरिकत्वावर प्रश्नचिन्ह उपस्थितीत केला आहे. अदनान सामीच्या नागरिकत्वाची खिल्ली उडवत एका युजरने लिहिलं की, ‘अदनान भाई, काही हरकत नाही, तुम्ही पाकिस्तानात येऊ नये, फवाद भाईंना सोडून द्या, तुम्हाला अजूनही बरीच माहिती गोळा करायची आहे.’ त्याच वेळी, एका वापरकर्त्याने लिहिले आहे की, ‘अदनान सामीसोबत काय करायला हवे?’ याला उत्तर देताना अदनानने लिहिलं आहे की, ‘या अशिक्षित मूर्खाला आता कोण सांगेल?’

Who’s going to tell this illiterate idiot!! https://t.co/OoH4w5iPQ3

— Adnan Sami (@AdnanSamiLive) April 25, 2025

जे लोक त्याच्या नागरिकत्वावर प्रश्नचिन्ह उपस्थित करत आहेत त्यांना हे माहित नाही की अदनानकडे भारतीय नागरिकत्व आहे. अदनान सामीला 2016 मध्ये भारतीय नागरिकत्व मिळाले होते. तेव्हापासून अदनान त्याच्या संपूर्ण कुटुंबासह भारतात राहत आहे. अदनानला पाकिस्तानमध्ये धोका जाणवला आणि दीर्घ संघर्षानंतर त्याला भारतीय नागरिकत्व मिळाले. 

कामाच्या बाबतीत बोलायचं झालं तर, अदनान सामीची अनेक गाणी हिट झाली. ‘तेरा चेहरा जब नजर आए’, ‘लिफ्ट कराडे’, ‘पल दो पल’, ‘कभी तो नजर मिलाओ’ आणि ‘नैन से नैन को मिला’ सारख्या गाण्यांना तिने आपला आवाज दिला आहे. अदनान संगीत मैफिलींद्वारे लोकांचे खूप मनोरंजन करतो.

Misha Agrawal: प्रसिद्ध कंटेंट क्रिएटर आणि इन्फ्लुएंसर मीशा अग्रवालचं निधन झालंय. तिच्या मृत्यूच्या बातमीने तिच्या चाहत्यांना आणि फॉलोअर्सना खूप मोठा धक्का बसलाय. वेदनादायी म्हणजे मीशा 2 दिवसांनी तिचा 25 वा वाढदिवस कुटुंबासोबत साजरा करणार होती. पण तिचा 25 वा वाढदिवस साजरा करण्यापूर्वीच तिने या जगाचा निरोप घेतला. मीशाच्या कुटुंबाने या दुःखद बातमीला दुजोरा दिलाय. मीशाच्या मृत्यूसंदर्भात तिच्या कुटुंबाने अधिकृत निवेदन जारी केलंय. ज्यामध्ये मीशा आता या जगात नाही असे म्हटलंय.

कुटुंबाकडून मीशाच्या मृत्यूच्या बातमीला दुजोरा 

मीशाच्या कुटुंबाने शुक्रवारी 25 एप्रिल रोजी तिच्या अधिकृत इंस्टाग्राम पेजवर एक अधिकृत निवेदन शेअर केले होते. ज्यामध्ये मीशाच्या मृत्यूच्या वृत्ताला दुजोरा देण्यात आला. परंतु तिच्या मृत्यूचे कारण काय आहे याबद्दल काहीही सांगण्यात आले नाही. पण मीशाच्या चाहत्यांना कुटुंबाच्या स्टेटमेंटनंतर मोठा धक्का बसला. अनेकांनी पोस्टवर कमेंट करून दुःख व्यक्त केले. तिच्या आत्म्याच्या शांतीसाठी चाहत्यांकडून प्रार्थना करण्यात येतेय.

मीशाच्या कुटुंबाने पोस्ट

‘आम्ही तुम्हा सर्वांना जड अंतःकरणाने कळवत आहोत की आमची प्रिय मीशा आता आमच्यासोबत नाही. तुम्ही सर्वांनी तिला दिलेल्या प्रेम आणि पाठिंब्याबद्दल आम्ही तुमचे सर्वांचे मनापासून आभारी आहोत’, असे कुटुंबाने जारी केलेल्या निवेदनात म्हटलंय. ‘आम्ही अजूनही या खोल नुकसानातून सावरण्याचा प्रयत्न करतो. कृपया तिला तुमच्या आठवणींमध्ये जिवंत ठेवा आणि तिच्यासाठी प्रार्थना करा.’, असेही निवेदनात पुढे म्हटलंय. 

चाहत्यांनी मीशाला वाहिली श्रद्धांजली

मीशाच्या मृत्यूची घटना समजवल्यावर तिच्या फॉलोअर्सनी सोशल मीडियाद्वारे तिला श्रद्धांजली वाहिली आपल्या भावना व्यक्त केल्या. मीशाच्या कुटुंबाने जारी केलेल्या स्टेटमेंटवर यूजर्सच्या वेगवेगळ्या प्रतिक्रिया येत आहेत. ‘ही बातमी खोटी असावी अशी माझी इच्छा आहे, ती खूप सुंदर आणि हुशार होती. मी तिच्या कुटुंबासाठी प्रार्थना करतो.’ त्याच वेळी दुसऱ्याने लिहिले, ‘अजूनही विश्वास बसत नाही की ती आता नाही… ती खूप उत्साही होती. नेहमीच लक्षात राहील.’ असेही एका यूजरने म्हटलंय. 

इन्स्टाग्रामवर प्रसिद्ध 

मीशा अग्रवाल तिच्या विनोदी कंटेंटसाठी प्रसिद्ध होती. त्यामुळे सोशल मीडियावर ती खूपच लोकप्रिय होती. इंस्टाग्रामवर 3 लाखांहून अधिक लोकांनी तिला फॉलो केलंय. कॉमेडी व्हिडिओंव्यतिरिक्त मीशा फॅशन आणि लाइफस्टाइल कंटेंटसाठी देखील ओळखली जात होती. तिचे अचानक निधन तिच्या कुटुंबासाठी आणि मित्रांसाठी तसेच तिच्या फॉलोअर्ससाठी खूप धक्कादायक आहे.