साडेतीन मुहूर्तापैकी एक असलेल्या अक्षय तृतीयेला आंब्यांना मागणी वाढते. पूर्वजांना आंब्यांचा नैवेद्य अर्पण केला जातो. अक्षय तृतीया बुधवारी (३० एप्रिल) असून, मार्केट यार्डातील फळबाजारात आंब्यांची आवक वाढली आहे. कोकणातील रत्नागिरी, सिंधुदुर्ग आणि रायगड जिल्ह्यातून रविवारी हापूस आंब्यांच्या साडेचार ते पाच हजार पेट्यांची आवक झाली. गेल्या वर्षी अक्षय तृतीयेला कोकणातून आठ ते दहा हजार पेट्यांची आवक झाली होती. यंदा वातावरणातील बदलामुळे कोकणात आंब्यांची लागवड ५० टक्के झाली आहे. मागणीच्या तुलनेच्या आंब्यांची आवक कमी प्रमाणावर होत असल्याने दर जास्त आहेत, असे श्री छत्रपती शिवाजी मार्केट यार्डातील आंबा व्यापारी नितीन कुंजीर आणि करण जाधव यांनी सांगितले.

घाऊक आणि किरकोळ बाजारात आंबा खरेदीसाठी मंगळवारी गर्दी झाली होती. ग्राहकांकडून एक आणि दोन डझनाच्या पेटीला मागणी आहे. एक डझन तयार आंब्यांना प्रतवारीनुसार ५०० ते ८०० रुपये दर मिळाले आहेत. दाेन डझन आंब्यांच्या पेटीला प्रतवारीनुसार ११०० ते १२०० रुपये दर मिळाले आहेत.

हापूसचा हंगाम शेवटच्या टप्प्यातयंदा वातावरणातील बदलामुळे लागवडीवर परिणाम झाला आहे. सिंधूदुर्ग, रत्नागिरी, रायगड जिल्ह्यातून आवक कमी प्रमाणावर होत आहे. यंदा आंब्यांचा हंगाम लवकर संपणार आहे. दरवर्षी जून महिन्याच्या पहिल्या आठवड्यापर्यंत आंब्यांचा हंगाम सुरू असतो. यंदा १० ते १५ मे पर्यंत आंब्यांचा हंगाम सुरू राहणार आहे. उष्मा वाढल्याने आंबा लवकर पक्व होत आहे, असे आंबा व्यापारी नितीन कुंजीर आणि करण जाधव यांनी नमूद केले.

कर्नाटकातून आंब्यांची आवक वाढली

यंदा हापूसचा हंगाम लवकर संपणार आहे. कर्नाटकातील आंब्यांचा हंगाम महिनाभर उशिराने सुरू झाला आहे. अक्षय तृतीयेसाठी कर्नाटकातील आंब्यांची आवक वाढली आहे. रविवारी (२७ एप्रिल) चार ते सात डझनाच्या तीन हजार पेट्यांची आवक कर्नाटकातून झाली, तसेच दोन डझनाच्या २० हजार पेट्यांची आवक वाढली. कर्नाटकातील आंब्यांची आवक गुरुवारपासून (एक मे) वाढणार आहे. कर्नाटकातील आंब्यांचा हंगाम साधारणपणे १५ जूनपर्यंत सुरू राहणार आहे. कर्नाटकातील एक डझन तयार आंब्यांना प्रतवारीनुसार ४०० ते ६०० रुपये डझन दर मिळाले आहेत, अशी माहिती कर्नाटक आंब्यांचे व्यापारी रोहन उरसळ यांनी दिली. डिसेंबर, जानेवारीत कर्नाटकातील आंब्यांना चांगला मोहोर आला होता. हवामान बदलामुळे मोहोर गळाला. त्यामुळे कर्नाटकातील आंब्यांचा हंगाम उशिराने सुरू झाला. कर्नाटकातून पायरी, लालबाग, बदाम या आंब्यांची आवक वाढली आहे, असे उरसळ यांनी सांगितले.

खरेदीसाठी गर्दी

अक्षय तृतीयेनिमित्त पूर्वजांचे स्मरण करून त्यांना नैवेद्य अर्पण करण्याची प्रथा आहे. दवणा, फुले, वाळा, तसेच आंबा खरेदीसाठी शनिपार, मंडई, हुतात्मा बाबू गेनू चौक परिसरात मंगळवारी गर्दी झाली होती. मार्केट यार्डातील घाऊक बाजारात सकाळपासून आंबा, फुले खरेदीसाठी ग्राहकांनी गर्दी केली होती.

निवासी उपजिल्हाधिकारी ज्योती कदम, जिल्हा आपत्ती व्यवस्थापन अधिकरी विठ्ठल बनोटे यांच्यासह सार्वजनिक बांधकाम, जलसंपदा, कृषी, आरोग्य, पुणे आणि पिंपरी चिंचवड महानगरपालिका, नगर परिषद, पोलीस, महावितरण, वन विभाग, वन, प्रादेशिक परिवहन कार्यालय, भारतीय हवामान विभागासह सर्व संबंधित विभागांचे उपविभागीय अधिकारी आणि तहसीलदार, मुख्याधिकारी (दूरदृष्यप्रणालीद्वारे) उपस्थित होते.

जलसंपदा विभागाने पूररेषा निश्चित करून त्याची माहिती प्रशासनाला, महापालिकांना द्यावी. त्याप्रमाणे पूररेषेखाली येणाऱ्या झोपडपट्ट्या आणि अन्य अतिक्रमणे काढण्याची कार्यवाही संबंधित यंत्रणांनी करावी. पाणी पातळीत वाढ झाल्यानंतर करण्यात येणाऱ्या उपाययोजनांबाबत पूर नियंत्रण आराखडा निश्चित करावा. धरणातून सोडण्यात येणाऱ्या पाण्याबाबत नागरिकांना पूर्वसूचना वेळेत मिळेल, याबाबत नियोजन करावे. सर्व धरणांची बांधकाम तपासणी पावसाळ्यापूर्वी करून घ्यावी, असे डुडी यांनी सांगितले.

सार्वजनिक बांधकाम विभागाने धोकादायक तसेच अतिधोकादायक ठिकाणे, गावे, पूल, रस्ते, पूरबाधित गावे आदीबाबतची माहिती सर्व संबंधित विभाग तसेच नागरिकांना माहिती द्यावी. पूरबाधित गावांची पाहणी करून आवश्यक त्या उपाययोजना कराव्यात. आरोग्य विभागाने संभाव्य आपत्कालीन परिस्थितीचा विचार करून तालुकानिहाय रुग्णालय, खाटा, वैद्यकीय अधिकारी, रुग्णवाहिका, रक्तपेढी, औषधे साठा तयार ठेवावे. साथीचे रोग आणि उपचारपद्धती आदीबाबत प्रतिबंधात्मक उपाययोजना कराव्यात. कृषी विभागाने गावनिहाय पथके स्थापन करावीत. जिल्हास्तरापासून ते गावपातळीपर्यत आपत्ती व्यवस्थापन आराखडा तयार करावा, अशी सूचना डुडी यांनी केली.