सातारा; पुढारी वृत्तसेवा :  उपमुख्यमंत्री देवेंद्र फडणवीस गुरुवार, दि. 22 जून रोजी सातारा जिल्हा दौर्‍यावर असून बुथ संमेलन, आढावा बैठक, जिहे कठापूर योजनेचे भूमिपूजन यासह विविध कामांचा आढावा घेणार आहेत. यावेळी ते सातारा व माढा लोकसभा मतदारसंघांचा आढावा घेणार आहेत. त्याद़ृष्टीने या दोन्ही कोअर कमिटीची बैठक घेऊन ते आगामी रणनीती ठरवणार असल्यामुळे या दौर्‍याकडे राजकीय वर्तुळाचे लक्ष लागले आहे. दरम्यान, गुरुवारी दहिवडी येथे ना. फडणवीस यांची जाहीर सभा होणार असल्याचे भाजपचे जिल्हाध्यक्ष आ. जयकुमार गोरे यांनी सांगितले.

ना. देवेंद्र फडणवीस यांच्या दौर्‍याची माहिती आ. जयकुमार गोरे यांनी शासकीय विश्रामगृह येथे पत्रकार परिषदेत दिली. यावेळी आ. शिवेंद्रराजे भोसले, मनोज घोरपडे, धैर्यशील कदम उपस्थित होते. आ. जयकुमार गोरे म्हणाले, देवेंद्र फडणवीस जिल्हा दौर्‍यावर येत आहेत. गुरुवारी कराडमध्ये ते बुथ अध्यक्षांच्या संमेलनाला मार्गदर्शन करणार आहेत. तसेच कराड दक्षिणच्या लाभार्थी मेळाव्याला उपस्थित राहणार आहेत. त्यानंतर सातारा लोकसभा मतदार संघाच्या कोअर कमिटीची बैठक होणार आहे. यामध्ये जिल्हा परिषद, पंचायत समिती, लोकसभा व विधानसभा निवडणुकांच्या अनुषंगाने चर्चा होणार आहे. याचबरोबर जिल्ह्यातील मेडिकल कॉलेजचे काम, एमआयडीसी याचाही आढावा घेतला जाणार आहे. बरड येथे संत ज्ञानेश्वर महाराजांच्या पालखीचे दर्शन उपमुख्यमंत्री घेणार आहेत. तर सायंकाळी दहिवडी येथे पाणी पुरवठा योजनेचे उद्घाटन होवून जाहीर सभेस ना. फडणवीस संबोधित करणार आहेत. यावेळी महसूल मंत्री राधाकृष्ण विखे-पाटील खा. रणजितसिंह नाईक निंबाळकर, आ. शिवेंद्रराजे भोसले, आ. गोपीचंद पडळकर उपस्थित राहणार आहेत. या सभेनंतर माढा लोकसभा मतदारसंघाचा आढावा घेतला जाणार असल्याचे आ. गोरे यांनी सांगितले.

पोवई नाका परिसरात लोकनेते स्व. बाळासाहेब देसाईंच्या स्मारकाबाबत समाजातील सर्व घटकांना विचारात घेऊन भूमिका घ्यावी. कुणाच्या भावना दुखावणार नाहीत याची काळजी घ्यावी. सगळ्यांचा सन्मान ठेऊन स्मारक होणे आवश्यक असल्याचे मत आ. जयकुमार गोरे यांनी व्यक्त केले.

सातारा, पुढारी वृत्तसेवा : खा. उदयनराजेंचा स्मारकाला विरोध नाही तर समर्थकांना निवेदन द्यायला कशाला पाठवले? मग तुम्ही काय सगळ्यांनाच खेळवता काय? शंभूराज देसाईंचा वाईटपणा नको म्हणून स्मारकाला विरोध नाही असे सांगतात अन् शिवप्रेमींचा वाईटपणा नको म्हणून तिकडे निवेदने द्यायला लावता. एकाचवेळी सगळ्यांना खेळवायचा प्रयत्न चाललाय का तुमचा? असा टोला आ. शिवेंद्रराजे भोसले यांनी खा. उदयनराजे यांना लगावला. दरम्यान, पालकमंत्र्यांनी स्व. बाळासाहेब देसाई यांचे स्मारक पोवईनाका सोडून अन्य ठिकाणी उभे करावे, असा पुनरूच्चारही त्यांनी केला.

सातार्‍यात सर्कीट हाऊस येथे आयोजित पत्रकार परिषदेत आ. शिवेंद्रराजे यांनी स्व. बाळासाहेब देसाई यांच्या स्मारकाविषयी आपली भूमिका पुन्हा एकदा स्पष्ट केली. आ. शिवेंद्रराजे म्हणाले, सातार्‍यात स्व. बाळासाहेब देसाई यांच्या स्मारकावरून जो काही प्रकार सुरू आहे तो ‘इगो’ वॉर आहे. या भूमिकेवर मी ठाम आहे. नगरपालिकेतील सत्ता वाचवण्यासाठी त्यांनी शिवतीर्थाचा विषय हाती घेतला आहे. नगरपालिकेची निवडणूक झाल्यानंतर उदयनराजे शिवतीर्थ विषय घेणार नाहीत. भूमाता दिंडीतील एकही गोष्ट राबवली गेली नाही, ती फक्त निवडणुकीसाठी काढली होती, असा टोला आ. शिवेंद्रराजे भोसले यांनी लगावला.

ते म्हणाले, स्व. बाळासाहेब देसाईंनी मोठे काम केले यात दुमत नाही. पालकमंत्र्यांकडून लोकभावनेचा आदर ठेवला जाईल. शिवभक्तांचे म्हणणे विचारात घेवून ते काम करतील. याविषयावर पालकमंत्र्यांना भेटून स्मारक अन्य ठिकाणी उभारावे, अशी मागणी करणार आहे. या प्रश्नातून शंभूराज यांनीच मार्ग काढावा. उदयनराजे व शंभूराज यांच्यात भांडण लावून आम्हाला काय फायदा? असा प्रश्नही आ. शिवेंद्रराजेंनी केला.

तुम्ही एवढे महान कार्य केले की तुम्हाला लोकांनी घरी बसवले…

लोकांच्या विश्वासात आपण असल्याचे उदयनराजेेंचे म्हणणे आहे, या मुद्यावर बोलताना आ. शिवेंद्रराजे म्हणाले, कोणीही सत्तेचा ताम्रपट घेऊन येत नाही. तुम्हाला एवढा विश्वास आहे तर मग लोकसभेला नक्की काय झाले? आम्हाला बेअक्कल म्हणता तुम्ही एवढे विद्वान असताना कसे काय पडला? तुम्ही एवढे महान कार्य केले की तुम्हाला लोकांनी घरी बसवले. चार महिन्यात 2 लाख 80 हजारांचे लीड सोडून 80 हजाराने तुमचा पराभव का झाला? असा प्रश्नही आ. शिवेंद्रराजेंनी उपस्थित केला.

सातारा, पुढारी वृत्तसेवा : उपमुख्यमंत्री देवेंद्र फडणवीस गुरुवार, दि. 22 जून रोजी सातारा जिल्हा दौर्‍यावर असून बुथ संमेलन, आढावा बैठक, जिहे कठापूर योजनेचे भूमिपूजन यासह विविध कामांचा आढावा घेणार आहेत. यावेळी ते सातारा व माढा लोकसभा मतदारसंघांचा आढावा घेणार आहेत. त्याद़ृष्टीने या दोन्ही कोअर कमिटीची बैठक घेऊन ते आगामी रणनीती ठरवणार असल्यामुळे या दौर्‍याकडे राजकीय वर्तुळाचे लक्ष लागले आहे. दरम्यान, गुरुवारी दहिवडी येथे ना. फडणवीस यांची जाहीर सभा होणार असल्याचे भाजपचे जिल्हाध्यक्ष आ. जयकुमार गोरे यांनी सांगितले.

ना. देवेंद्र फडणवीस यांच्या दौर्‍याची माहिती आ. जयकुमार गोरे यांनी शासकीय विश्रामगृह येथे पत्रकार परिषदेत दिली. यावेळी आ. शिवेंद्रराजे भोसले, मनोज घोरपडे, धैर्यशील कदम उपस्थित होते. आ. जयकुमार गोरे म्हणाले, देवेंद्र फडणवीस जिल्हा दौर्‍यावर येत आहेत. गुरुवारी कराडमध्ये ते बुथ अध्यक्षांच्या संमेलनाला मार्गदर्शन करणार आहेत. तसेच कराड दक्षिणच्या लाभार्थी

मेळाव्याला उपस्थित राहणार आहेत. त्यानंतर सातारा लोकसभा मतदार संघाच्या कोअर कमिटीची बैठक होणार आहे. यामध्ये जिल्हा परिषद, पंचायत समिती, लोकसभा व विधानसभा निवडणुकांच्या अनुषंगाने चर्चा होणार आहे. याचबरोबर जिल्ह्यातील मेडिकल कॉलेजचे काम, एमआयडीसी याचाही आढावा घेतला जाणार आहे. बरड येथे संत ज्ञानेश्वर महाराजांच्या पालखीचे दर्शन उपमुख्यमंत्री घेणार आहेत. तर सायंकाळी दहिवडी येथे पाणी पुरवठा योजनेचे उद्घाटन होवून जाहीर सभेस ना. फडणवीस संबोधित करणार आहेत. यावेळी महसूल मंत्री राधाकृष्ण विखे-पाटील खा. रणजितसिंह नाईक निंबाळकर, आ. शिवेंद्रराजे भोसले, आ. गोपीचंद पडळकर उपस्थित राहणार आहेत. या सभेनंतर माढा लोकसभा मतदारसंघाचा आढावा घेतला जाणार असल्याचे आ. गोरे यांनी सांगितले.

पोवई नाका परिसरात लोकनेते स्व. बाळासाहेब देसाईंच्या स्मारकाबाबत समाजातील सर्व घटकांना विचारात घेऊन भूमिका घ्यावी. कुणाच्या भावना दुखावणार नाहीत याची काळजी घ्यावी. सगळ्यांचा सन्मान ठेऊन स्मारक होणे आवश्यक असल्याचे मत आ. जयकुमार गोरे यांनी व्यक्त केले.