पुणे : गणेशोत्सवाला आजपासून  जल्लोषात सुरुवात  (Pune ganeshotsav 2023)  होणार आहे. या गणेशोत्सवासाठी पुणे सज्ज झालं आहे. सगळीकडे बाप्पाच्या स्वागतासाठी रस्त्यांवर रांगोळ्यांच्या पायघड्या घालण्यात येत आहे. तर ढोल ताशा पथकंदेखील मिरवणूक गाजवायला सज्ज झाले झाले आहे. संपूर्ण पुण्यात मंगलमय वातावरण झालं आहे. तर पुण्यातील प्रत्येक घरात आता बाप्पाची ओढ दिसत आहे. यातच पुण्यातील मानाच्या गणपतीच्या मिरवणुकी पाहण्यासाठी अनेक पुणेकर लक्ष्मी रस्ता आणि बाजीराव रस्त्यावर एकत्र यायला सुरुवात झाली आहे.

सकाळी श्रीमंत दगडूशेठ हलवाई गणपती मंदिरात 7:45 वाजता आरती झाली आहे. आजपासून गणेशोत्सवाला सुरवात होत आहे. त्या पार्श्वभूमीवर भाविकांनी दर्शनासाठी रांगा लावल्या आहेत. आरती होईल बाप्पाचा जयजयकार होईल आणि नंतर मिरवणूक काढण्यात येणार आहे. दगडूशेठ गणपतीच्या मिरणवुकीसाठी सध्या जोरदार तयारी सुरु आहे. पुण्यातील मंडई परिसरात, बेलबाग चौकात आणि लक्ष्मी रस्त्यांवर मोठ-मोठ्या रांगोळ्या काढण्यात येत आहे. पुण्यातूनच नाही वेगवेगळ्या गावातून रांगोळी कलाकार पुण्यात आले आहेत. बाप्पाच्या आगमनासाठी पुणेकर सज्ज झाले आहे. 

ढोल ताशा पथकं सज्ज…

मागील तीन महिन्यांपासून ढोल ताशा पथकांचा सराव सुरु होता. या हजारो वादक आजच्या दिवसाची आतुरतेने वाट बघत होते. त्यामुळे हजारो वादक पुण्याच्या मध्यवर्ती भागात वादनासाठी एकत्र जमले आहेत. अनेकांना गणरायाच्या आगमनाची आता ओढ लागली आहे. बेलबाग चौकात, लक्ष्मी रस्त्यावर आणि प्रत्येक मानाच्या आणि महत्वाच्या गणपतीसमोर ढोल ताशा पथकं वादनासाठी सज्ज झाले आहे. 

‘श्रीमंत भाऊसाहेब रंगारी ॐकार महाला’त होणार विराजमान

हिंदुस्थानातील पहिला सार्वजनिक गणपती असलेल्या ‘श्रीमंत भाऊसाहेब रंगारी ट्रस्ट’च्या वतीने दरवर्षी भव्य महालाच्या प्रतिकृती असलेले देखावे साकारले जातात. यंदाही असाच राजेशाही थाटमाट असलेला ‘ॐकार महाल’ हा काल्पनिक देखावा साकारण्यात आला आहे, या देखाव्याची संकल्पना जान्हवी धारिवाल- बालन यांची असून यावरील नक्षीकाम प्राचीन शैलीतील कापडाची प्रेरणा घेऊन आणि प्रसिध्द अशा ‘कुंदन’ या अलंकाराप्रमाणे साकारण्यात आले आहे. त्यासोबतच या महालाला सुंदर अशा फुलांचा साज चढवण्यात आला आहे. या महालाच्या गाभाऱ्यातील छतावर ‘ॐ गं गणपतये नमो नम: ’ हा मंत्र लिहलेला आहे. त्यामुळे या गाभाऱ्यात होणाऱ्या मंत्रोच्चारामुळे येथील वातावरण कायमच प्रसन्न आणि भक्तीमय राहणार आहे. 

इतर महत्वाच्या बातम्या : 

Ganeshotsav Pune Traffic : पुणेकरांनो घरच्या बाप्पाला आणयला बाहेर पडताय? मग वाहतुकीतील बदल नक्की बघा!

पुणे : आज गणेशोत्सवाची सुरुवात होत आहे. त्यामुळे (Pune Ganeshotsav 2023) पुण्यातील मुख्य रस्त्यांवरुन मिरवणुका जाणार आहे. त्यामुळे नागरिकांना कोणताही नाहक त्रास होऊ नये आणि गणरायाला घरी नेण्यासाठी वाहतूक कोंडींचा सामना करावा लागू नये, यासाठी पुण्यातील मध्यवर्ती भागातील वाहतुकीत बदल करण्यात आला आहे. त्यामुळे नागरिकांनी या मार्गाचा वापर करावा, असं आवाहन करण्यात आलं आहे. 

कोणते रस्ते सुरु, कोणते बंद?

– गाडगीळ पुतळा चौकातून डावीकडे वळून कुंभारवेस चौक, शाहीर अमर शेख चौकमार्गे इच्छितस्थळी जावे.

– शिवाजीनगर येथून शिवाजी रस्त्याने स्वारगेटकडे जाणाऱ्या वाहनचालकांनी स. गो. बर्वे चौकातून (मॉडर्न कॅफे चौक), जंगली महाराज रस्ता, खंडुजीबाबा चौक, टिळक रस्त्याने इच्छितस्थळी जावे.

– झाशी राणी चौक ते खुडे चौक, डेंगळे पूल मार्गे कुंभारवेस जाणाऱ्या वाहन चालकांनी खुडे चौकातून मनपा पुणे समोरून मंगला चित्रपट गल्लीतून कुंभार वेस किंवा प्रिमियर गॅरेज चौक शिवाजी पुल मार्गे, गाडगीळ पुतळा चौक, डावीकडे वळून कुंभार वेस चौक.

– सावरकर पुतळा चौक ते समाधान भेळ सेंटर (सिंहगड रस्ता) परिसरात मूर्ती विक्रेत्यांनी तात्पुरती दुकाने थाटली आहेत. या भागात वाहनचालकांनी वाहने लावू नयेत.

– मुंढव्यातील केशवनगर भागात मूर्ती खरेदीसाठी होणारी गर्दी विचारात घेऊन या भागात वाहतूक बदल 
करण्यात आला आहे.

वाहतुकीस खुले रस्ते

– फडके हौद चौक ते जिजामाता चौक ते फुटका बुरूज चौक
– आप्पा बळवंत चौक ते बुधवार चौक ते मोती चौक
– सोन्यामारुती चौक ते बेलबाग चौक ते सेवासदन चौक
– मंगला चित्रपटगृहसमोरील प्रिमिअर गॅरेज गल्ली ते कुंभार वेस

पुण्यात 7 हजार पोलीस तैनात…

गणेशोत्सवादरम्यान शहरात कायदा व सुव्यवस्था  राखण्यासाठी 7 हजार पोलीस कर्मचारी तैनात करण्यात येणार आहेत. पुणे पोलिसांनी संभाव्य दहशतवादी हल्ले आणि अनपेक्षित घटना लक्षात घेऊन बंदोबस्ताचे नियोजन केले आहे. समृद्ध इतिहास असलेल्या गणेशोत्सवाला आजपासून सुरुवात होत असून उत्सवादरम्यान शहर आणि उपनगरात कडेकोट बंदोबस्त ठेवण्यात येणार आहे. उत्सवादरम्यान, राज्य आणि देशाच्या इतर भागातून अनेक पर्यटक शहराला भेट देतात. शहराच्या मध्यवर्ती भागातील गर्दी लक्षात घेऊन पोलिसांनी बंदोबस्ताचे नियोजन केले आहे. मोबाईल, दागिने चोरीच्या घटना रोखण्यासाठी साध्या वेशातील पोलीस तैनात करण्यात येणार आहेत.

 इतर महत्त्वाच्या बातम्या :