फलटण :- श्री संत ज्ञानेश्वर महाराज पालखी सोहळ्यानिमित्त फलटण येथे मॅग फिन्सर्व्ह कंपनी लिमिटेड यांच्या वतीने सामाजिक बांधिलकी जपत सुमारे पाच हजार भाविकांना आलपोहार व पाण्याच्या बाटल्यांचे मोफत वाटप करण्यात आले.
सामाजिक कार्यात सदैव अग्रेसर असलेली मॅग फिन्सर्व्ह कंपनी दरवर्षी प्रमाणे यंदाही सेवाभावी उपक्रमाच्या माध्यमातून वारकऱ्यांची सेवा करताना दिसली. “लोकांची सेवा करणे हाच आमचा मूलमंत्र” या तत्त्वाशी बांधील राहून कंपनीने भाविकांच्या आरोग्याची आणि सोयीसुविधांची विशेष काळजी घेतली.
या उपक्रमासाठी मॅग फिन्सर्व्ह कंपनीचे चेअरमन अनंता मोहटकर साहेब, त्यांचे संपूर्ण कुटुंबीय तसेच कंपनीचे संपूर्ण टीमसह स्वयंसेवक मोठ्या उत्साहात सहभागी झाले होते. पंढरीच्या वाटेवर निःस्वार्थ सेवा देणारा हा उपक्रम वारकऱ्यांकडून विशेष कौतुकास्पद ठरला.
यासारख्या सेवाभावी उपक्रमांमुळे पालखी सोहळ्याचे आयोजन अधिक सुकर व भाविकांसाठी समाधानी ठरत असल्याचे चित्र पाहायला मिळाले.
