फलटण :- फलटण तालुक्यात अनुसूचित जाती-जमातींसाठी ऐतिहासिक पाऊल उचलण्यात आले आहे. १५ वर्षांनंतर प्रथमच दक्षता समितीची बैठक पार पडली असून यावेळी तज्ज्ञ आणि समाजासाठी लढणाऱ्या व्यक्तींना समितीवर स्थान देण्यात आले आहे. ही समिती अनुसूचित जाती व जमाती अत्याचार प्रतिबंधक अधिनियम १९८९ अंतर्गत कार्यरत राहणार आहे.
फलटण उपविभागीय अधिकारी व दंडाधिकारी कार्यालयात झालेल्या बैठकीत नव्या समितीची स्थापना जाहीर करण्यात आली. तालुक्यातील ५९ जातींच्या अन्यायाविरुद्ध आवाज उठवण्यासाठी ही समिती महत्त्वाची ठरणार आहे.
नवीन समितीत आमदार सचिन कांबळे पाटील, माजी नगरसेविका वैशालीताई अहिवळे, माजी नगरसेवक सचिन अहिवळे आणि समाजसेवक सनी काकडे (अध्यक्ष) यांची निवड करण्यात आली आहे. नवनिर्वाचित सदस्यांचे शहर व तालुक्यात स्वागत आणि अभिनंदन केले जात आहे.
