पेपरफुटी आणि गैरप्रकारांप्रकरणी वैद्यकीय प्रवेशाची फेरपरीक्षा घेण्याची मागणी करणाऱ्या याचिकांवर सुनावणी करताना सर्वोच्च न्यायालयाने राष्ट्रीय पात्रता सह प्रवेश परीक्षा (नीट)-यूजी २०२४ परीक्षा रद्द करण्यास मंगळवारी नकार दिला. सरन्यायाधीश डी. वाय. चंद्रचूड, न्यायमूर्ती जे. बी. पारडीवाला आणि न्यायमूर्ती मनोज मिश्रा यांच्या खंडपीठाने हा आदेश दिला. वैद्यकीय प्रवेश परीक्षा ५ मे रोजी घेण्यात आली होती, तर निकाल ४ जून रोजी जाहीर करण्यात आला होता.
