राज्यासह देशभरातील दिवाळी सणाचे उत्साही वातावरण व तयारीची लगबग सुरू असतानाच नवी मुंबईतून एक धक्कादायक बातमी समोर आली आहे. उलवेमधील जावळे गावातील एका घरात गॅस सिलिंडरचा भीषण स्फोट झाला आहे. या स्फोटात एक महिला व २ मुलांसह ३ जणांचा मृत्यू झाल्याची प्राथमिक माहिती मिळाली आहे. तसेच काही जण जखमी झाल्याचे सांगण्यात येत आहे. घटनास्थळी अग्निशमन दलाचे जवान दाखल झाले असून जखमींना तातडीने नजीकच्या रुग्णालयात दाखल करण्यात आलं आहे.
