एका महिलेच्या पतीचे निधन झाल्यानंतर अंत्यसंस्कारासाठी मृतदेह त्याच्या मूळगावी नेला जात होता. पतीच्या निधनाने दुःखाचा डोंगर कोसळलेला असतानाच पत्नीवर आणखी एक मोठा आघात झाला होता. मात्र पोलिसांनी तात्काळ सुत्रे हलवून आरोपींना गजाआड केले आहे. ज्या रुग्णवाहिकेतून मृतदेह नेला होता, त्या गाडीच्या चालकानेच चोरीचा डाव रचल्याचे समोर आले आहे. या प्रकरणी रुग्णवाहिका चालक अश्वजित विश्वजित वानखेडे याला अटक करण्यात आली आहे.
