Sambhaji Nagar Crime: छत्रपती संभाजीनगरातील उस्मानपुरा नगरात गुरुवारी (१४ डिसेंबर २०२३) धक्कादायक घटना घडली. चार वर्षे लिव्ह इन रिलेशनशीपमध्ये राहिल्यानंतर प्रियकर त्रास द्यायला लागल्याने प्रेयसीने त्याची हत्या केली. यानंतर त्याचा मृतदेह अर्धनग्न अवस्थेत साई टेकडी परिसरात फेकून दिला. याप्रकरणी चिकलठाणा पोलीस ठाण्यात गुन्हा दाखल करत पोलिसांनी पुढील चौकशीला सुरुवात केली. या घटनेने परिसरात एकच खळबळ माजली.
