Movies Releasing This Week: एक-दोन नव्हे या आठवड्यात रिलीज होणार तीन बहुचर्चित चित्रपट! तुम्ही कोणता बघणार?

नागराज मंजुळे यांचा ‘घर बंदूक बिरयानी’ या चित्रपट ७ एप्रिलला प्रेक्षकांच्या भेटीला येणार आहे. या चित्रपटात थोडी हटके कथा दाखवण्याचा प्रयत्न करण्यात आला आहे. या चित्रपटाच्या निमित्ताने नागराज मंजुळे आपल्याला ॲक्शन मोडमध्ये आणि एका वेगळ्याच शैलीत दिसणार आहेत. तर, सयाजी शिंदेही अतिशय रावडी आणि तडफदार अंदाजात दिसणार आहेत. आकाशची रोमँटिक इमेजही तरुणांच्या पसंतीस उतरणारी आहे. या चित्रपटात काहीतरी नवीन पाहायला मिळणार असल्याची उत्सुकता प्रेक्षकांना लागली आहे. पोलीस आणि डाकूंची चकमक यात दिसणार असून, हा पाठलाग कशासाठी आहे आणि यातून काय निष्पन्न होणार आहे, हे चित्रपट पाहिल्यावरच कळणार आहे.