मोनालिसा दिलेल्या माहितीनुसार, काही दिवसांपूर्वी काही तरुण तिच्या तंबूत घुसले आणि तिच्यासोबत फोटो काढण्यासाठी जबरदस्ती करू लागले, असा तिने आरोप केला आहे. त्या तरुणांनी मोनालिसाला सांगितले की, तुझ्या वडिलांनी आम्हाला तुझ्यासोबत फोटो काढण्यासाठी पाठवले आहे, असे सांगितले. पण तिने स्पष्ट नकार दिला. तेवढ्यात मोनालिसाचे वडील तिथे पोहोचले आणि त्या तरुणांना तुम्ही आत कसे घुसले, असा जाब विचारला. तिने आपल्या वडिलांना विचारले की, तुम्ही यांना पाठवले होते का? तर त्यांनी नाही असे उत्तर दिले. यामुळे माझ्या भावाने त्यांच्या हातातून मोबाईल हिसकावून घेतला असता तरुणांनी त्याला मारहाण केली. आता मला भिती वाटते की, येथे कोणी तर नाही ना? कोणी काही करणार नाही. इथे लाईट नाही, काहीच नाही, तरीही लोक जबरदस्तीने तंबूत घुसतात, अशी भिती तिने व्यक्त केली.
